Осман Уәлиоллаұлы Зекки


Зекки Осман Уәлиоллаұлы, (15.6.1904 жылы туған, Украина, Қырым облысы, Гавр хуторы – 15.12.1981, Қазақстан, Алматы) – кинорежиссер, оператор, Қазақстанның (1960) және Бурят АССР-інің (1953) еңб. сің. өнер қайраткері. Мәскеудегі Бүкілодақтық мемлекеттік кино институтын (ВГИК) бітірген (1937). 1937 жылы Хабаровск қаласындағы “Қиыр Шығыс” хроника студиясында оператордың ассистенті, 1938 жылы Орталық хроника студиясында (Мәскеу) реж-дің ассистенті, 1939 – 53 жылы Иркутск қ-ндағы кинохроника студиясында бас оператор қызметтерін атқарған. 1953 жылы Алматы киностудиясына (қазіргі “Қазақфильм”) жұмысқа ауысып, хроника секторына жетекшілік етті. 1957 жылдан операторлықпен бірге режиссерлік қызметпен де айналысып, бірқатар деректі фильмдерді қойды. Олардың арасында “Қара түнек сүрлеуі”, “Халық таланттары” (1960), “Текке кеткен өмір” (1963), “Тұңғиық” (1964), “Ертеңгі Алматы”, “Қазақ даласының аңызы” (1967), “Ақжайық” (1968), “Алматы” (1969), “Достық пен бейбітшілік жолы” (1973), “Достық сазы” (1974), т.б. бар. Сондай-ақ, З. “Қазақфильм” студиясында ғыл.-көпшілік (“Қазақстандағы көлдетіп суару әдісі”, 1954; “Қамыс үй”, 1956), деректі-хроникалық ленталар (“Абай”, 1956; “Достық мерекесі”, 1957) мен бір көркем фильм (“Алыстағы тауда”, 1958) де түсірді.[1]

Зекки Осман Уәлиоллаұлы
Дүниеге келгені: 1904
Мансабы: кинорежиссер, оператор

ДереккөздерӨңдеу

  1. Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9