Патрик Клюйверт

Патрик Клюйверт (кей елдерде Клайверт, Клуйверт) — нидерланд шабуылшысы, 1976 жылы 1 шілдеде Амстердамда дүниеге келген. 1998 жылғы әлем чемпионатына, 1996, 2000 жылдары Еуропа чемпионатына қатысқан. "Аякс", "Милан", "Барселона", "Ньюкасл" және бірнеше клубтарда доп тепкен.

Патрик Клюйверт
Жалпы мағлұмат
Туған күні	1 шілде 1976 (1976-07-01) (48 жас)
Туған жері	Амстердам
Азаматтығы
Бойы	189
Позиция	шабуылшы
Клуб жайлы ақпарат
Клуб	карьерасын аяқтаған
Жастар клубы 1983—1984 Схелингвауде 1984—1994 Аякс Клуб карьерасы 1994—1997 Аякс 70 (39) 1997—1998 Милан 27 (6) 1998—2004 Барселона 182 (90) 2004—2005 Ньюкасл Юнайтед 25 (6) 2005—2006 Валенсия 10 (1) 2006—2007 ПСВ 16 (3) 2007—2008 Лилль 13 (4) Ұлттық құрамы 1992 Нидерланд-18 3 (0) 1992—1994 Нидерланд (19) 20 (6) 1994—2004 Нидерланд 79 (40) Бапкерлік карьерасы 2008—2010 АЗ асс 2010—2011 НЕК асс 2011—2013 Твенте (жас) 2012—2014 Нидерланд асс 2015—2016 Кюрасао 2016 Аякс (жас) 2016—2017 Пари Сен-Жермен сп дир 2018—2019 Камерун асс 2019— Барселона ак. дир

Өмірбаяны

Клубтық

Ол Амстердамның "Аякс" клубының алтын буын өкілдерінің бірі. 90-жылдардың ортасында "Аякс" клубы екі рет УЕФА Чемпиондар Лигасының финалына шықтқан. 1995 жылы аталмыш турнирдің финалында "Миланмен" кездесіп, Клюйверт ойын тағдырын шешкен жалғыз допты соқты. 1997-98 жж маусымда "Миланда" ойнап, жарқырай алмады. Әуелі, көшеде тәртіп бұзып, автомобилінен айрылды, сосын оған "қыз зорлады" деген айып тағылып, біраз уақыт басы бәлеге қалды.

Сол жылы жазда Клюйверт "Барселонаға" ауысты. Клюйверт бұл жақта Ривалдо, Луиш Фигу секілді мықтылармен тізе қоса ойнап, клуб 1999 жылы Испания чемпионатын ұтып алды.

2004 жылы жазда Клюйверт "Барселонадан" кетті. Оны "Ньюкасл" өзіне шақырды. Ол жерде ұзақ тұрақтай алмай, "Валенсия", ПСВ, "Лилль" клубтарында бір маусымнан ғана ойнап, 2008 жылдың жазында өзө мамандығын бапкерлікке ауыстырды.

Ұлттық құрама

1994 жылы 16 қарашада тұңғыш рет Ұлттық құрама сапында алаңға шықты.

1996 жылғы Еуропа чемпионатының топтық кезеңінде Англия қақпасына бір гол соқты, бұл ойында Нидерланд 1:4 есебімен ұтылды.

1998 жылы Францияда өткен әлем чемпионатына қатысып, алғашқы турдағы Бельгиямен ойында-ақ алаңнан қуылды. Осы жазадан соң тек ширек финалда Аргентинамен болған ойында ғана алңға шықты. 12-минутта есеп ашты. Бұл кездесуде Нидерланд құрамасы 2:1 есебімен жеңіске жетті. Ал жартылай финалда Бразилиямен өткен матчта Клюйверттің голы құрамасы жеңілістен құтқарып қалды. Бірақ пенальтилер сериясында Бразилия бұларды ұтып кетті.

2000 жылғы Еуропа чемпионаты Нидерланд және Бельгияда өтті. Нидерланд чемпиондыққа басты үміткерлердің бірі болды. Топтық турнирдегі үш ойынның бәрінде де қарсыластарын ұтып, 1/4 финалда Югославия құрамасын 6:1 есебімен ойсырата ұтты. Осы ойында Клюйверт хет-трик жасады. Жартылай финалда Италиямен матчта Нидерланд құрамасынан ашықтан-ашық сәттілік бас тартты: ойын барысында алаң иелері екі рет пенальтиді соға алмады, оның бірін екінші таймда Клюйверт тепкен еді, оның үстіне қарсыластары 34-минуттан бастап он адам боп ғана ойнады. Пенальтилер сериясында Нидерланд жеңіліп қалды. Бұл Клюйверттің соңғы Халықаралық турнирі еді: ол 2004 жылғы Еуропа чемпионатына барғанымен, бір минут та алаңға шықпады.

Жетістіктері

Клубтық

• Нидерланд чемпионы 1995, 1996, 2007
• Испания чемпионы 1999

Халықаралық

• УЕФА Чемпиондар лигасы 1995
• Еуропа суперкубогы 1995
• Континентаралық кубок 1995

Құрама

• Әлем чемпионатының жартылай финалисі: 1998
• Еуропа чемпионатының жартылай финалисі: 2000, 2004

Басқа да деректер

• Клюйверт тағы бір Нидерланд құрамасының танымал шабуылшысы — Руд ван Нистелроймен бір жылда, бір күнде дүниеге келген. Бұл екеуінің тағы бір ұқсастығы — Екеуі де Еуропа чемпионаттарына екі реттен қатысып, 6 доптан соққан. Екеуі де әлем чемпионаттарына бір реттен ғана қатысқан.

Сыртқы сілтемелер

Ресми сайты Мұрағатталған 22 қазанның 2019 жылы.