Понтий таулары
Понтий таулары[1] (грек тілінде Pontos — Қара теңіз) — Қара теңіздің оңтүстік жағалауындағы Түркия жеріндегі тау жүйесі. Ұзындығы 1000 км, ені 130 км-ге жуық, орташа биіктігі 2500 м. Ең биік жері — Качкар тауы (3937 м). Понтий таулары Батыс Понтий, Шығыс Понтий тауларына және Жанық жотасына бөлінеді. Батысы негізінен құмтас пен әктастан, шығысы гранит, гнейс, кристалды тақтатастардан, жанартаулық жыныстардан тұрады. Понтий тауларының параллель орналасқан тау жоталарын аңғарлар, қазаншұңқырлар және Қызыл Ирмак, Жасыл Ирмак, т.б. өзендердің терең шатқалдары бөліп жатады. Понтий таулары сейсмикалық аудандар құрамына кіреді. Тас көмір кен орындары бар. Солтүстік беткейінде жалпақ және қылқан жапырақты орман, оңтүстік беткейінде таулық-далалық және шөлейт өсімдіктері, бұталар өседі. Понтий тауларында Едыгеллер, Согуксу ұлттық саябақтары орналасқан.
Дереккөздер
өңдеу- Қазақ энциклопедиясы
- ↑ Қазақстан энциклопедиясы, VII-том
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |