Рахымжан Дүйсенбаев

Рахымжан Дүйсенбаев (1870-1919), журналист. Қарқаралы ауданының түлегі. 1892-1906 жылдары Акмола, Семей, Жетісу облыстық ведомстволарына қосымша ретінде шығып тұрған «Дала уәлаяты» газетінде аудармашы-журналист, әдеби қызметкер болып істеді. Газет қосымшасы орыс және қазақ тілдерінде Омбыда басылып тұрды. Оз мақалаларында жергілікті үкіметтің озбырлығына қарсы шықты, патша өкіметінің отарлау саясатын, сот ісін, билеуші таптық мүддесін қорғауға негізделген сайлау жүйесін сынады. 1896 жылы Атбасардағы маркстік үйірмеге кірді. 1905-07 жылы революция кезінде көтеріліске шыққан Омбы мен Акмола жұмысшыларын қолдау үшін үгіт-насихат және ұйымдастыру жұмыстарын жүргізді. 1906 жылдан Архангельск губерниясына (Солтүстік Двинадағы Котлас аймағына) жер аударылды 1917 жылдың сәуірінен 1918 жылдың шілдесіне дейін ұйымдастырушысы және идеялық жетекшісі С. Сейфуллин болған бірінші қазақ революциялық демократиялық газеті «Тіршіліктің» ресми редакторы болды. Дүйсенбаевтың кұрметіне Астана, Қарқаралы калаларында оның есімі берілген көшелер бар. Қарқаралы ауданының «Бесоба» ауылындағы орта мектеп Дүйсенбаевтың есімімен аталады.