Рақыш Әміреев

Әміреев Рақыш (12.3.1939 жылы туған, Қызылорда облысы, Жалағаш ауданы Жаңаталап ауылы) – ғалым, химия ғылымдарының докторы (1987), профессор(1987).

Қызылорда мемлекеттік педагогикалық институтын (қазіргі Қорқыт Ата атындағы Қызылорда мемлекеттік университеті) бітірген (1962). Еңбек жолын қазіргі Түркістан облысы Мақтаарал ауданы С.Сейфуллин атындағы мектепте мұғалім болып бастаған. 1964 – 89 жылы Қызылорда мемлекеттік педагогикалық институтында оқытушы, кафедра меңгерушісі, профессор, 1989 – 91 жылы амбыл жеңіл өнеркәсіп технология институтының Алматы бөлімшесінде кафедра меңгерушісі, 1992 – 97 жылы Қызылорда гуманитарлық университетінде проректор, 1998 – 2003 жылы Х.Дулати атындағы Тараз мемлекеттік университетінде кафедра меңгерушісі қызметтерін атқарған. 2004 жылдан С.Торайғыров атындағы Павлодар мемлекеттік университеттінде профессор. 100-ден астам ғылыми еңбек жазған.