Сабыржан Ахметұлы Ахметов

 Басқа мағыналар үшін Ахметов деген бетті қараңыз.

Ахметов Сабыржан Ахметұлы - 1947 жылы 15 мамырда Қостанай облысының Қайыңды ауылында туған. Қазақ.

Ахметов Сабыржан Ахметұлы
Дүниеге келгені:	15 мамыр 1947 Қостанай облысы Қайыңды ауылы
Мансабы:	Қостанай облысы Амангелді ауданының әкімі

Ленин орденді Қазақ кеңшар-техникумының ауыл шаруашылығын электрлендіру факультетін (1982) техник-электрик мамандығы бойынша; Ақмола ауылшаруашылық институтының ауыл шаруашылығын механикаландыру факультетін (1995) инженер-механик мамандығы бойынша бітірген.

Қазақ және орыс тілдерін біледі.

«Нұр Отан» ХДП мүшесі (1998 жылдан).

1966 жылдың тамызынан - Торғай облысы Амангелді ауданының Сарытоғай жылқы зауытында электрмонтер; Кеңес Әскерінің қатарында қызметте. 1969 жылдан - Торғай облысы Амангелді ауданының Сарытоғай жылқы зауытында электрмонтер, инженер-электрик. 1975 жылдан-Торғай облыстық «Торғай электр желілері» кәсіпорнының электрмонтері, шебері, кәсіпорын бастығы. 1989 жылдан-Торғай облысы Амангелді автокөлік кәсіпорнының бастығы. 1993 жылдан - Торғай облысы Арқалық қалалық әкімшілігі бастығының орынбасары. 1995-1997 жылдары - Қостанай облысының Амантоғай, Амангелді аудандарының әкімі. 1998 жылдан - Арқалық қаласының әкімі. 2000 жылдан - Қостанай облысы Ұзынкөл ауданының әкімі.

2004 жылдан бері - Қостанай облысы Амангелді ауданының әкімі.

«Құрмет» орденімен (2006), «Астана» (1998), «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005), «Тыңға 50 жыл» (2005) медальдарымен марапатталған. ҚР білім беру саласының құрметті қызметкері (2005).

Діни көзқарасы - мұсылман.

Саяси қайраткер ретіндегі идеалы - Н.Ә. Назарбаев.

Қазақстанның болашағы туралы болжамы - «Қазақстан - ашық және гүлденген ел, онда жыл сайын қазақстандықтардың әл-ауқаты жақсара түседі; саяси тұрақты және өз азаматтарының қауіпсіздігін қамтамасыз ететін мемлекет.

Қазақстан - қуатты және әлемде беделге ие мемлекет».

Хоббиі - спорт, аңшылық.

Сүйіп оқитын әдебиеті - классикалық қазақ әдебиеті, детективтер.

Үйленген. Жұбайы - Менкина Захан Қайыркенқызы (1948 ж.т.), зейнеткер. Қыздары - Ахметова Қарлығаш Сабыржанқызы (1971 ж.т.); Ахметова Жанар Сабыржанқызы (1976 ж.т.); ұлдары - Ахметов Арман Сабыржанұлы (1973 ж.т.); Ахметов Ербол Сабыржанұлы (1980 ж.т.).