Сапар Ысқақұлы Омаров
Сапар Ысқақұлы Омаров [23 желтоқсан 1935 жылы туған, Талдықорған (қазіргі Алматы облысы) облысы Үштөбе қаласы] – ғалым, технология ғылымының кандидаты (1975), КСРО-ның Құрметті металлургі (1966), КСРО өнертапқышы (1970). Қазақ тау-кен институтын (қазіргі ҚазҰТУ, 1957), Қазақстан ғылым академиясының Металлургия және кен байыту институтының аспирантурасын (1975) бітірді. 1969 – 83 жылы Ертіс мыс зауытының директоры, 1983 жылдан Қазақ КСР-і Түсті металлургия министрлігінің ғылым және жаңа техника басқармасының бастығы болды. Негізгі ғылыми-зертеу жұмыстары түсті металлургия саласындағы технологиялық процестерді жетілдіруге арналған. 1976 жылы оның тікелей басшылығымен мыс зауытындатында қорғасын оксидтері цехы салынды, КИВЦЭТ қондырғысы әзірленіп өндіріске енгізілді. Омаровқа авторлар ұжымымен бірге мыс, қорғасын және мырыш өндірісіне өте жаңа КИВЦЭТ-тік технологияны жасақтап, өндіріске енгізгендері үшін КСРО Мемлекеттік сыйлық (1978) берілді. Омаров 300-ден астам ғылыми еңбектері бар, 50-ден астам патенті мен өнертабыс куәлігін алған. Еңбек Қызыл Ту орденімен, медальдармен марапатталған.[1]
Сілтемелер
өңдеуДереккөздер
өңдеу- ↑ Қазақ энциклопедиясы, 7 том
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |