Сарыбас Қажы мешіті

Сарыбас Қажы мешітітарихи және сәулет өнері ескерткіші. Қазіргі Қостанай облысы Амангелді ауданындағы Үрпек а-нда. 1914 ж. діндар Сарыбас деген азаматтың көмегімен тұрғызылған мешіт ғимаратының қабырғалары шикі кесек кірпіштен өріліп, іші-сырты күйдірілген қызыл кірпішпен қапталған. Мешіттің ауданы 19,7*8,3 м, қабырғасының биікт. 3,8 м; оңт.-батыс қабырғасындағы михраб (ішкі қуысы) қағбаға бағытталған, ал солт.-шығыс жағында 8 м-лік мұнара орналасқан. Мешіт үйінің екі жақ қабырғасында маңдайшасы доға тәрізді бес-бестен терезе ойықтары бар. Ғимараттың алдыңғы жағынан ауданы 4,1*2,6 м дәліз салынған. Мешіт қабырғасының іргетасы мәнерлі кірпіштен жергілікті дандана тәсілімен қаланған. Жоғары бұғатына өрнекті кірпіштен белдеу жүргізілген. 1916 ж. мешіт ғимаратына ұлт-азаттық көтерілісінің орт. штабы орналасты. 1948 ж. ауыл клубы ретінде пайдаланылса, 1972 жылдан қоғамдық негіздегі мұражайға, 1978 ж. А.Имановтың мемориалдық мұражайының бөлімшесіне айналды. 1980 ж. Қазақ КСРМәдениет мин-нің ғыл. экспед. (жетек. Ж.Шәйкен) мешіт құрылысына зерттеу жүргізді. Сарыбас Қажы мешіті 1982 ж. респ. маңызы бар тарих және мәдениет ескерткіштерінің тізіміне енгізілген.«Сарбас қажы» мешіті. Амангелді ауданы, Үрпек ауылында орналасқан. 1992 жылы салынған. Мешіт жерінің жалпы көлемі 375 м 2. Ғимараттың жалпы көлемі 100 м2. Сиымдылығы 70 адам. Мешіттің биіктігі 2,9 метр. 1 мұнара, 1 күмбезі бар. [1]

Сілтемелер өңдеу

Дереккөздер өңдеу

  1. Қазақ энциклопедиясы, 7 том