Соломон аралдары (архипелаг)
Соломон аралдары архипелагы — Тынық мұхиты, Папуа — Жаңа Гвинея шығысында орналасқан, Меланезия зонасына жатқызылатын архипелаг.[1] Солтүстік-батыс бөлігі Папуа — Жаңа Гвинея мемлекетінің, қалған бөлігі – Соломон аралдары мемлекетінің құрамына кіреді. Аумағы 40,4 мың км². Ең биік жері – 2743 м (Бугенвиль аралында).
| Соломон аралдары архипелагы ағылш. Solomon Islands archipelago | |
 | |
| Соломон аралдары картасы: сарымен Соломон аралдары және жасылмен Папуа — Жаңа Гвинея мемлекеттерінің жері | |
| Сипаттамасы | |
|---|---|
| Аралдар саны | 992 |
| Ірі аралы | Бугенвиль |
| Жалпы ауданы | 40 400 км² |
| Ең биік нүктесі | 2715 м |
| Тұрғындар (2009 жыл) | 720 000 адам |
| Халық тығыздығы | 17,822 адам/км² |
| Орналасуы | |
| Акватория | Тынық мұхит |
| Елдер |  Соломон аралдары Папуа — Жаңа Гвинея |
 Соломон аралдары архипелагы Ортаққорда | |
Соломон аралдарын 1568 жылы испандық теңізде жүзуші Альваро Менданья де Нейра ашқан. Ірі аралдары: Бугенвиль, Гуадалканал, Санта-Исабель, Малаита, Макира, Шуазёль, Нью-Джорджия. Аралдар негізінен жанартаулық жолмен пайда болған, әрекетті жанартаулары – Балби, Багана. Климаты субэкваторлық, өте ылғалды. Айлық орташа температурасы 26–28°С. Жылдық жауын-шашын мөлшері 2300 мм-ден жоғары. Өзендері қысқа, суы мол. Соломон аралдарының басым бөлігін мәңгі жасыл ормандар (пальма, фикус), қуаң жағын саванналар, өзен бойларын мангр бұталары алып жатыр. Топарал аумағында Куин-Элизабет ұлттық саябағы (Гуадалканал аралында) құрылған.