Солтүстік атлант ағысы

СОЛТҮСТІК АТЛАНТ АҒЫСЫ – Атлант мұхитының солтүстік бөлігіндегі қуатты жылы ағыс, Гольфстримнің жалғасы. Үлкен Ньюфаундленд қайраңынан солтүстік-шығыс бағыттағы Баренц түбегінене дейін созылады. 60 с.е. маңында батыс тармағы – Ирмингер ағысы бөлінеді. Солтүстік Атлант ағысы Ұлыбритания, Исландия жағалауларынан (Норвег ағысы) өтіп, шығысқа тармақ жасап (Нордкап ағысы) Шпицберген жағалауына қарай бағытталады. Жылд. 0,9 – 1,9 км/сағ. Суының орташа температурасы оңтүстігінде 15С, солтүстігінде 7С, тұздылығы 35,5‰-дей. Еуропа климатының ылғалды, жылы болуына ағыстың тигізетін әсері мол.