Степан Захарович Сущев

Степан Захарович Сущев(24.12.1914, Жамбыл облысы,Қордай ауданы,Қордай ауылы - 24.7. 2008, Қырғызстан, Шу ауданы,Ақсу қаласы) - 2-дүниежүзілік соғысқа қатысушы, аға сержант, взвод командирінің орынбасары,орыс.Еңбек жолын 1933 жылы Фрунзе (қазіргі Бішкек қаласы) қаласындағы кірпіш зауытында бастаған. 1937 жылы Кеңес әскері қатарына шақырылып, Новосібір қаласындағы ІІХК (НКВД)-нің 112-полкінде әскери борышын өтеді. Әскери қызметін өтеп болған соң Кеңес әскерінің құрамында 1943 жылдың 23 қыркүйегінде Днепр өзенінің Ясногородка селосы маңында (Киев облысы,Вышгород ауданы) жаудың алдыңғы шебін басып алды. Осы плацдармды 28 қыркүйекке дейін жауға бермей ұстап тұрды. Командованиенің бұйрығын бұлжытпай орындағаны үшін және ұрыста шеберлік танытқаны үшін Сущевке КСРО Жоғарғы Кеңесі Төралқасының Жарлығымен Кеңес Одағының Батыры атағы беріліп (17.10.1943), Ленин ордені мен «Алтын Жұлдыз» медалі қоса тапсырылды. 1-дәрежелі Отан соғысы орденімен және медальдармен марапатталған. 1944 жылы әскер қатарынан босап, Қырғызстандағы Мәскеу ауданында слесарь болып жұмыс істеді. 1969 жылы зейнеткерлікке шықты.