Сувенир алтын кен орны

Сувенир алтын кен орны - Павлодар облысы Баянауыл ауданының орталығынан солтүстік-батысқа қарай 40 км жерде орналасқан. 1967 жылы ашылған.

Геологиялық құрылымыӨңдеу

Кен қоры соңғы ордовиктің жанартаутекті (порфирит, афирлі лава, туфтар) және шөгінді (туфты құмтас, алевролит, яшма) тау жыныстарында орналасқан. Онда риолит-дацитті, базальтты, микродиоритті, плагиогранитті порфирлер және субинтрузивті түзілімдер кең тараған. Құрылым жағынан Сувенир алтын кен орны көмейі эксплозивті брекчиялармен толған вулканды күмбез.

Жатыс сипатыӨңдеу

Үш кен шоғыры анықталған; солтүстік-шығыс бағыт (құлау бағыты 50-70°) оңтүстік-шығыс (созылу қашықтығы 250 м, құлау бағыты 155 м, қалыңдығы 0,2-36,5 м). Сувенир алтын кенінің текстурасы шомбал, брекчиялы, жолақты, желі-сеппелі болып келеді.

ҚұрамыӨңдеу

Кентастардағы қорғасынның орташа мөлшері 1,14%, мырыш 6,92%, мыс 3,48%, барит 3,45%. Кен орнындағы “темірқалпақ” деп аталатын құрамында алтын (5,7 г/т) және күміс (72,5 г/т) бар белдем толығымен карьерленген. Қоспалары: күміс, кадмий, индий, селен, теллур, т.б.[1]

ДереккөздерӨңдеу