Сырмақ
Сырмақ (қыр. Шырдак) — киізден жасалып, өрнектелген қазақ төсеніштері. Көбіне үйдің қабырғалары мен еденін сәндеу үшін қолданылатын қолдан жасалған, арнайы тоқу технологиялары бар бұйымдар.[1][2]
![](http://upload.wikimedia.org/wikipedia/kk/thumb/e/e2/%D0%A1%D1%8B%D1%80%D0%BC%D0%B0%D2%9B_%E2%80%94_%D0%BA%D0%B8%D1%96%D0%B7%D0%B4%D0%B5%D0%BD_%D0%B6%D0%B0%D1%81%D0%B0%D0%BB%D1%8B%D0%BF_%D3%A9%D1%80%D0%BD%D0%B5%D0%BA%D1%82%D0%B5%D0%BB%D0%B5%D1%82%D1%96%D0%BD_%D1%82%D3%A9%D1%81%D0%B5%D0%BD%D1%96%D1%88.jpg/150px-%D0%A1%D1%8B%D1%80%D0%BC%D0%B0%D2%9B_%E2%80%94_%D0%BA%D0%B8%D1%96%D0%B7%D0%B4%D0%B5%D0%BD_%D0%B6%D0%B0%D1%81%D0%B0%D0%BB%D1%8B%D0%BF_%D3%A9%D1%80%D0%BD%D0%B5%D0%BA%D1%82%D0%B5%D0%BB%D0%B5%D1%82%D1%96%D0%BD_%D1%82%D3%A9%D1%81%D0%B5%D0%BD%D1%96%D1%88.jpg)
Атауы
өңдеу«Сырмақ» атауы оны дайындау әдісінен алынған. Қазақта «сыру» деген сөз арасын жиі етіп тігетін тігістің түрі, жиі етіп бастырып тігу дегенді білдіреді.[3]
Тарихы
өңдеуАлғашқы сырмақ пішінінің қалыптасуына қазақ елінің ежелгі тұрмысында кездесетін қарапайым жағдайлар себеп болған. Мысалы, көнерген киіздерді қабаттап төсеу, одан соң оны қобырай бермеу үшін қабаттап көктеу. Осындай жағдайдан бара-бара қабаттауды белгілі бір пішінге келтіріп, ықшамдап төсеп, көктеуді де бірте-бірте жиі тігістерге ауыстырып, одан әрі сыруға көшкен деп санауға болатын сияқты. Бұдан әрі басылған кесек киіздерден қалаған мөлшерде кесіп алып, оны қабаттап сырып, шағын төсеніштер жасала бастаған.[3]
Киіз үйдің негізгі бөлшектерінің бірі боп табылады.[2]
Тоқу технологиясы
өңдеуАрнайы басылған киізге басқа түсті киізден, матадан қиып дайындалған ою-өрнекті сырып тігу арқылы жасалады.[3]
Сырып тігудің тәсілдері
өңдеуСырмақ сырудың, яғни сырып тігудің негізгі үш тәсілі кеңінен тараған. Олар: қайып сыру, тепшіп сыру, қабып сыру. Бұларды негізінен жіп салып сыру және жіп салмай сыру деп екі түрге топтастырады.[3] Сырмақ бес түрлі бөліктен, яғни екі басы, екі жаны және орта деп аталатын бөліктерден тұрады. Әдетте сырмақ жасауға арналған киізді қойдың күзде қырқыған күзем жүнінен басқан.[4]
Тағы қараңыз
өңдеуКітаптар
өңдеу- Сырмақ өнері. Искусство сырмака — Алматы: Алматыкiтап баспасы, 2007. — 232 б. — ISBN ISBN 9965-24-812-5.
Дереккөздер
өңдеу- ↑ «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9
- ↑ a b Сырмак (орыс.). Большая Советская Энциклопедия. Тексерілді, 16 сәуір 2012.
- ↑ a b c d Күләйхан Төлеубекова Сырмақ. Дала мен қала. www.dmk.kz (2 қазан 2010). Тексерілді, 16 сәуір 2012.
- ↑ Қазақтың этнографиялық категориялар, ұғымдар мен атауларының дәстүрлі жүйесі. Энциклопедия. 5-том. 302-бет. «Азия Арна» баспасы. Алматы, 2014. ISBN 978-601-7299-18-7