Тайбұқа

ТАЙБҰҚА (туған жылы белгісіз – 1358) – Қытайдағы Юань әулеті кезіндегі саяси қайраткер. Қоңырат руынан шыққан. Құбылай мен оның мұрагерлері қытайларға пәрменді билік жүргізіп, оларды бақылап отыру үшін түркі тілдес тайпалардың өкілдерін пайдаланған. Оларды әскерге, түрлі қызметке қабылдап, Қытайдың ішкі өлкелеріне жіберген. Тайбұқа өзінің білгір, сабырлы мінезімен көзге түседі. Ол алдымен Қытайдың оңтүсіндегі Юньань провинция басшысының оң қол уәзірі, кейін астана қорғанысы бастығы ретінде императордың қауіпсіздігін қамтамасыз ету, Орда құрылыстарын жүргізу қызметтерін атқарған. 1348 жылы Орталық үкімет кеңесінің мүшесі, 1352 жылы Хэнань провинциясының кеңесшісі болды, шаруалар көтерілісін тоқтатты. 1354 жылы жала жабылып, қызметінен босатылды. Бірақ көп ұзамай Хунань-Гуаньдун провинцияларында сол қол уәзірі болды. 1356 жылы Шандун көтерілісшілерін жаныштады. 1358 ж. Астанаға шақырылып, қастандықпен өлтірілді.

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

Сілтемелер

Сун Лян, “Юань ши” (“Юань патшалығының тарихы”), Пек., 1997.
"Қазақ Энциклопедиясы", 8 том