Тасқарақұм

Тасқарақұм – Балқаш-Алакөл ойысындағы Лепсі және Шынжылы өзендері аралығындағы құмды алқап.

Тасқарақұм
Сипаттамасы
Ұзындығы	45 км
Ені	30 км
Ауданы	850 км²
Орналасуы
46°06′47″ с. е. 80°21′37″ ш. б.46.11306° с. е. 80.36028° ш. б. / 46.11306; 80.36028
Ел	Қазақстан
Аймақ	Жетісу облысы
Орналасуы	Балқаш-Алакөл ойысындағы Лепсі және Шынжылы өзендері аралығы.
Тасқарақұм
Тасқарақұм

Географиялық орны

Жетісу облысының Алакөл және Сарқан аудандары жерінде орналасқан.

Жер бедері

Ауданы 850 км². Жетісу Алатауынан солтүстікке қарай 45 км-ге созылып жатыр, ені 30 км шамасында. Құм қырқаларының салыстырмалы биіктігі 25 м. Еркекшөп, жусан, изен, теріскен, т.б. шөптермен бекіген. Тұщы грунт сулары 1-3 м тереңдікте кездеседі. Құм төбелер арасында қыстаулар (Аққұдық, Тоққұлы, Бесқопа, т.б.) мен аумағы шағын Шошқалы, Жалаңашкөл, Тереңкөл, т.б. көлдер кездеседі.