Теке (ру)

Ұлы жүз Шапырашты тайпасының Асыл руының ішінде. Өз ішінде Дәулетбай және Сатай болып бөлінеді (екеуі де 18ғ. жоңғарларға қарсы соғысқан атақты батырлар). Дәулетбайда төрт ата: Қара, Ырысбай, Сарыбай, Шақа. Негізінен Алматы облысының, Еңбекшіқазақ және Талғар ауданында тұрады. Әсіресе Ақши, Талдыбұлақ, Таутүрген, Сатай, Қырбалтабай, Қаракемер, Түрген, Есік елді мекендерінде саны басым. Алматы облысында Теке ұрпақтарының атымен аталаты бірнеше нысандар бар: Сатай, Бөлек ауылы (Еңбекшіқазақ ауданы), Қоянкөз ауылы (Текенің келінінің аты) және көптеген көше аттары. Еңбекшіқазақ ауданының (бұрынғы Шелек ауданын қоспағанда) қос Кеңес Одағының батыры: Қашаған Жаманғараев пен Рақымжан Тоқатаев және осы ауданнан шыққан бірінші министр Ахметжан Сәлімбаев Теке елінен.

Атақты тұлғалары

• Ахметжан Сәлімбаев
• Рақымжан Тоқатаев
• Қашаған Жаманқараев
• Дәркембай Шоқпарұлы
• Мұхтар Ақатұлы Аюбаев

Дереккөздер

• Шелегім мен Есігім - жерұйығым, бесігім: тарихи-деректі ғұмырнама /Нұрсадық Сарғожаев.- Алматы: Білім, 2001
• "Елім Теке-Дәулетбай" Нұрсадық Сарғожаев