Теодор Уильям Ричардс

(31.01.1868-02.04.1928)

Американдық химик. АҚШ Ұлттық ғылым академиясының мүшесі. Гарвард университетін бітірген (1888 жылдан философия докторы). Бір жыл бойы білімін Германияда жетілдірген. 1889 жылдан соңғы күндеріне дейін Гарвард университетінде жұмыс істеді. 1901 жылдан бастап профессор болды. 1895 жылы Квалификациясын жоғарылату мақсатында В.Ф. Нернст лабораториясына Геттинг университеттерінің, 1904 жылы Берлин университетінде жұмыс барысында қатысты.
Негізгі зерттеулері химиялық элементтердің атомдық массаларын анықтауға арналған. Арнайы әдістеме мен біртума аспап құрып жоғары нақтылықпен 25 элементтердің атомдық массаларын анықтап (1888-1923), басқа ғалымдардың жұмыстарында кеткен қателіктерді жөндеді.
1914 жылы Т. Лембертпен бірге әртүрлі уран құрамдас минералдардан радиогендік қорғасынның атомдық массасын анықтады және қорғасын изотоптары (сыңарлары) болатынын дәлелдеі. 1905 жылы Л. Гендерсон және Г. Форбеспен бірге кең ғылыми практикаға адиабатты калориметрді құрып енгізді және оның көмегімен көптеген термохимиялық тұрақтыларды анықтады. Металдардың қышқылдардағы еру жылуын, қышқылдар, негіздер және тұздар үшін меншікті жылу сыйымдылықтарын, бейтараптану жылуларын анықтады.
Американдық химия қоғамының мүшесі, оның президенті (1914). Америкалық өнер және ғылым Академиясының мүшесі, 1919-1921 жылдары оның президенті болған.
Нобель сыйлығының лауреаты.

Пайдалаған әдебиет:

С.К Мыразалиева "Химия" (Балаларға арналған энциклопедичялық анықтамалық Алматы 2012ж.)