Тернополь облысы

Тернополь облысы (укр. Тернопільська область) — Украинаның батысындағы әкімшілік-аумақтық бірлік. 1939 жылы 4 желтоқсанда құрылды. Облыс орталығы - Тернополь қаласы. 1944 жылдың 9 тамызына дейін ол Тарнополь облысы (орталығы — Тарнополь қаласы) деп аталды. Географиялық жағынан Подольск таулы аймағында орналасқан. Тернополь облысының оңтүстік шекарасы Днестр өзенінің бойымен, шығыс шекарасы Збруч өзенінің бойымен өтеді.

Солтүстігінде Ровно, шығысында Хмельницкий, оңтүстігінде Черновцы, оңтүстік-батысында Ивано-Франковск, солтүстік-батысында Львов облыстарымен шектеседі. Ауданы 13 824 км², халқы 1 021 048 адам (2022).