Тораңғылысай қорықшасы
Тораңғылысай мемлекеттік қорықшасы – қырғауыл, құм қоян және жабайы шошқа санын қалпына келтіріп, одан әрі көбейту мақсатымен 10 жылға арналып, 1978 жылы құрылған. Облыстық мәні бар.
| Тораңғылысай қорықшасы | |
| Жалпы мағлұмат | |
|---|---|
| Ауданы | 17,9 мың га |
| Құрылған уақыты | 1978 жылы |
| Орналасуы | |
| 44°47′45″ с. е. 65°18′04″ ш. б. / 44.795829° с. е. 65.300994° ш. б. (G) (O) (Я)Координаттар: 44°47′45″ с. е. 65°18′04″ ш. б. / 44.795829° с. е. 65.300994° ш. б. (G) (O) (Я) | |
| Ел |  Қазақстан |
| Аймақ | Қызылорда облысы |
| Аудан | Сырдария ауданы |
Географиялық орны мен жер бедері өңдеу
Қызылорда облысы Сырдария ауданының 17,9 мың га жерін алып жатыр. Жаңадария өзенінің оң жақ жағалауындағы шөл өңірде орналасқан. Жер бедері көсілген жазық, орта шенінде бірен саран құм төбелер кездеседі. Жағалауын қамыс, қоға, қияқ басқан кішігірім өзен көлдер ағып өтеді.
Флорасы мен фаунасы өңдеу
Құмда сексеуіл өте тығыз өскен. Жаңадария өзенін бойлай қына, тал, терек, тораңғыдан тұратын тізбекті орман және тоғай өскен. Қорықшада жоғарыда аталған аңдардан басқа борсық, түлкі, қарсақ мекендейді.[1]
Дереккөздер өңдеу
- ↑ Қазақ ССР қысқаша энциклопедиялық-2 том-Қазақ Совет энциклопедиясының бас редакциясы-Алматы,1987