Тренажёр

(Тренажер бетінен бағытталды)

Тренажёр (ағылш. traіn – жаттықтыру, үйрету)

  1. машинаны (механизмді) басқаруды меңгеру әрі оны кемелдендіру және жұмыстық дағдыны игеру мақсатында пайдаланылатын оқу-жаттығу құрылғысы. Ол жұмысшыларды белгілі бір мамандыққа үйрету ісінде, ұшқыштар мен ғарышкерлерді даярлауда, әскери жаттығу кезінде қолданылады. Тренажердың қарапайым (жұмыстық дағды мен әрекеттің кейбір элементтерін үйрететін) және күрделі (әрекеттер жиынтығын үйрететін) түрлері бар. Ғарышкерлер үшін кезінде ғарыш кемелерін түйістіруді жүзеге асыратын операцияларды игеру үшін жер үстілік Тренажер, ал ұшу кезінде ғарышкердің бір ғарыш кемесінен екіншісіне өтуін игеру үшін ұшақ фюзеляжына орнатылған борттық Тренажер пайдаланылады. Танктік Тренажер (басқару жетектері, қабылдау аспаптармен жабдықталған, кішігірім тербелмелі платформа) жүргізуші механиктің танк жетектері мен қаруларын басқару әрекеттерін үйлестіру, жер беті жағдайының өзгеруіне сәйкес танктің қозғалыс күйін өзгерту сияқты дағдыларды үйренуі үшін пайдаланылады.
  2. Дене шынықтыру және спорт сабақтарында қолданылатын қондырғылар. Алғашқы мұндай Тренажер 20 ғасырдың бас кезінде пайда болды. Спорттық Тренажерлар спорт залдарында, медициналық кабинеттерде, ғылыми лаб-ларда, т.б. орындарда қолданылады.[1][2][3]
Ходовой тренажёр вождения ХТВ-64 на базе танка Т-64

Дереккөздер өңдеу

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том
  2. Орысша-қазақша түсіндірме сөздік: Физика / Жалпы редакциясын басқарған э.ғ.д,, профессор Е. Арын – Павлодар: С. Торайғыров атындағы Павлодар мемлекеттік университеті, 2006. ISBN 9965-808-88-0
  3. О.Д.Дайырбеков, Б.Е.Алтынбеков, Б.К.Торғауытов, У.И.Кенесариев, Т.С.Хайдарова. Аурудың алдын алу және сақтандыру бойынша орысша-қазақша терминологиялық сөздік. Шымкент. “Ғасыр-Ш”, 2005 жыл. ISBN 9965-752-06-0