Түркияның ең ірі қалалары

Түркияның ең ірі үш қаласы — Стамбұл, Анкара, Измир адамның ерік-жігері мен тарихи процестердің нәтижесінде аса маңызды іскерлік және мәдени орталықтарға айналды.

Бірінші дүниежүзілік соғыс аяқталып, Түрік Республикасы пайда болған кезде бұл қалалар іскерлік және әлеуметтік белсенділіктің ошақтарына айналды. Өнеркәсіп пен табыскерлік бұрыннан сауда дәстүрлері бар Стамбұл мен Измирде дамыды, ал үкімет елдің түкігірінде орналасқан жаңа астана — Анкараға ірге тепті. Нақ осы қалаларда үздік мемлекеттік университеттер, театрлар, консерваториялар мен концерт залдары орналасқан. Еврей және христиан қауымдары, сондай-ақ бұрынғы Оттоман империясының әр түрлі бөліктерінен келген иммигранттар бұл қалаларға Анадолыға тән этникалық көптүрлілікке жаңа айшықтар қосып, өзіндік ерекшелік береді.

Бұл қалалардың сыраханалары мен дәмханаларында суретшілер, артистер, ақындар мен журналистер өз уақыттарын өткізуді ұнатады. Ал кофеханалар мен оқу залдарында казіргі заманғы жастар елдің болашағы жөніндегі өз нұсқаларын дайындап жатады. Солшыл ниеттегі алпыстың айналасындағы зиялы білгірлер көпке танымал шағын мейрамханаларға жиналып, стақандарын сусындарға толтыра отырып, өткен уақыттар мен орындалмаған үміттері жөнінде еске алысады. Қалалық жастар жарқыраған сауда орталықтары мен би кештерінде қазіргі заман өмірінің жемісінен дәм татады. Түрік қалалық зиялы қауым өкілдері мен дүние жүзінің басқа елдеріндегі әріптестерінің арасында ортақ нәрселер аз емес, олар сіздің сапарларыңызға жағымды және көңілді қатысушылар бола алады. Бұл адамдар дүниені көрген, бірнеше тілде сөйлейді, төзімділіктері жоғары дәрежеде. Алайда маңызды мәселелер бойынша өз пікірлерін табанды түрде қорғауға әрқашанда әзір. Өздерінің жан түкпірінде олардың бүкіл түрік халқы сиякты отбасының мызғымастығы, отанға адалдық, коғам алдындағы міндеттемелер, айналасындағыларға әділдік көрсету, қонақжайлылық, дәстүрлерді құрметтеу, жан ашушылық қабілеті тәрізді құндылықтарды құрметтейтіні есіңізде болсын.

Түріктің үлкен қалалары өз қонақтарына түнгі клубтар, дәмханалар, мыс пен күмістен жасалған бұйымдарға, кілемдер мен алтын әшекейлерге кең таңдау жасауға болатын базарларды ғана емес, көптеген мұражайлар мен көңіл бөлуге тұрарлық тарихи орындарды да ұсына алады. Ал Стамбұлдың бұл мәселе бойынша еш нәрсеге ұқсамайтын орекше екені өз-өзінен түсінікті, оның қайталанбас, елден ерек ландшафтысы жеке әңгімеге лайық.