Тұрлыбай батыр ауылы

Тұрлыбай батыр ауылы (2011 жылға дейін — Красная заря) — Жамбыл облысы Меркі ауданы, Жамбыл ауылдық округінің құрамындағы ауыл.

Ауыл
Тұрлыбай батыр ауылы
Әкімшілігі
Ел	ҚазақстанҚазақстан
Облысы	Жамбыл
Ауданы	Меркі
Ауылдық округі	Жамбыл
Тарихы мен географиясы
Координаттары	42°58′34″ с. е. 73°09′57″ ш. б.42.97611° с. е. 73.16583° ш. б. / 42.97611; 73.16583
Бұрынғы атаулары	Красная заря
Уақыт белдеуі	UTC+5:00
Тұрғындары
Тұрғыны	▲577 адам (2021)
Сандық идентификаторлары
Телефон коды	+7 72632
Автомобиль коды	08
Тұрлыбай батыр ауылы Тұрлыбай батыр ауылы
Тұрлыбай батыр ауылы шекарасы

Географиялық орны

Округ орталығы - Жамбыл ауылынан солтүстікке қарай 12 шақырым, аудан орталығы - Меркіден 9 шақырым қашықтықта "Көлтоған" байламтасының төменгі сағасында орналасқан.

Халқы

Саны (2009, 2021)

2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
309	▲577	186,7	160	▲297	185,6	149	▲280	187,9

Инфрақұрылымы

Орта мектеп, фельдшерлік пункт, дүкен жұмыс істейді. Бұрынғы атауы Тұрлыбай батыр ауылы, артель құрылған соң "Красная заря", тәуелсіздік алғаннан кейін "Қызыл таң" деп аталды.

Ауыл тарихы

Бұл ауыл адамдарының ата-бабалары бұрын қазіргі Тұрар Рысқұлов ауданының Қорағаты ауылының маңындағы Шілік деген жерде тұрған. Сол кездерде, ауылдың бетке ұстар азаматы, Сыпатай батырдың серігі болған Тұрлыбай батыр халықты ұйымдастырып, егін суғару үшін Меркі өзенінің бір тармағының алдын бөгеп екі жерден (біреуі үлкен, біреуі кіші) байламта жасайды. Үлкен байламта "Көлтоған", кіші байламта "Балатоған" аталды. Сол байламталардың төменгі сағасынан үш жерден төменге қарай "Шілікке" дейін, яғни 7-8 шақырымдай тоған қаздырады. Сөйтіп, көп адамдар егін егіп, жағдайын түзей бастайды. Шіліктің бойындағы халық, суы мол Көлтоғанға жақын маңға, яғни көлдің төменгі сағасына келіп қоныстана бастайды. Байламтадағы көл мен қазылған тоған бірігіп "Көлтоған", кіші байламтада балалар шомылып, көп ойнайтындықтан "Балатоған" аталып кеткен.