Тұрсынбек Аманғалиұлы Қабатов
Тұрсынбек Аманғалиұлы Қабатов (10 қазан 1979 жыл, Ақпәтер ауылы, Батыс Қазақстан облысы) — қазақстандық сатира комикі, актёр, "Әзіл Әлемі" әзіл-ысқақ театрының директоры. Қазақстанның еңбек сіңірген қайраткері (2015) және Казталов ауданының құрметті азаматы (2014).
| Тұрсынбек Аманғалиұлы Қабатов | ||
| Жалпы мағлұмат | ||
|---|---|---|
| Туған күні | ||
| Туған жері | ||
| Азаматтығы | ||
| Мамандығы | ||
| Белсенді жылдары | ||
| Бағыты | ||
| Марапаттары |
| |
Толығырақ
өңдеу- Тұрсынбек Аманғалиұлы 1979 жылы 10 қазанда Батыс Қазақстан облысы Казталов ауданы Ақпәтер ауылында дүниеге келген. Қыпшақ тайпасының Ұзын руының Бегімбет бөлімінен шыққан.[1]
- Сәкен Сейфуллин атындағы Қазақ ұлттық аграрлық университетін бітірген.
- Еңбек жолын 2000 жылы Ғарифолла Құрманғалиев атындағы Батыс Қазақстан облыстық филармониясынан бастаған.
- 2001 жылдан Көңілді тапқырлар клубында ойнайды.
- Сәкен Сейфуллин атындағы Қазақ ұлттық аграрлық университетінің қабырғасында жүргенде "Аграрка сарбаздары", "Астана.кз", "Казахи" квн командаларында ойнады.
- "Казахи" квн командасы құрамында 2010 жылы Халықаралық КВН одағы жоғарғы лигасында вице-чемпионы атанды.
- 2010 жылы ТМД елдерінің "Үздік КВН ойнышысы" атағымен марапатталған.
- 2011 жылдан Астана қаласы әкімдігінің "Әзіл Әлемі" әзіл-сықақ театрының директоры.
Жетістіктері
өңдеу- 2003 жылы Түркістан облысы Түркістан қаласының Әкімі тағайындаған І-республикалық «Тайқазан» КВН ойынының жеңімпазы;
- 2003 жылғы «Мыңнан тұлпар» атты Алматы қаласы әкімшілігінің кубогының жеңімпазы;
- 2003 жылғы Қазақстан Республикасы Жоғары Лигасының 2-орын иегері;
- 2003 жылғы Юнеско шеңберінде тойланатын ақын, күйші, батыр бабамыз Махамбеттің 200 жылдығына арналған «Ел Орда - 2003» кубогының жеңімпазы;
- 2004 жылғы Алматы қаласының 150 жылдығына арналған Республикалық 1-лигасы V Чемпионатының Чемпионы;
- 2005 жылғы Республикалық Жоғарғы лигада 2- орын 2006 жылғы Республикалық Жоғарғы лиганың Чемпионы;
- 2006 жылы Қарағанды облысы әкімі кубогының жеңімпазы;
- 2006 жылы Қарағанды облысы әкімі кубогының «Үздік ойыншысы» иегері Астана.
- «Студент көктемі-2006» І дәреже Астана.
- «Елімнің ордасы -Астана» І дәреже
- 2007 жылы «Қазақ тілі –Ана тілі!» Республикалық патриоттық компаниясының аясында Қазақстан студенттер Альянсының Кубогы үшін ұйымдастырылған «Қазақша КВН» фестивалінің 2- орын иегері.
- 2008 жылы университеттің құрама командасы болып, Астана қаласы әкімінің кубогын жеңіп алды.
- Тұрсынбек Қабатов 2009 жылы 4 қарашада Астана қаласы Бейбітшілік және Келісім сарайында, 27 желтоқсанда Алматы қаласы Республика сарайында өзінің жеке әзіл кешін өткізді. 2010 жылы "Қазақстан" ұлттық арнасындағы "Екі Жұлдыз" байқауына қатысты,әріптесі Фарида Ниязова болды!
- 2011 жылы "Базар Жоқ" театрын ашты.
Марапаттары
өңдеу- 2014 жылы — ҚР Мәдениет және спорт министрлігінің "Қазақстан Республикасының Мәдениет саласының Үздігі" құрметті атағы берілді.
- 2014 жылы Казталов ауданының құрметті азаматы.
- 2015 жылы — ҚР Президентінің жарлығымен Қазақстанның еңбек сіңірген қайраткері құрметті атағымен марапатталды.
Сын
өңдеуЕрлан Омарқұлов өлімі
өңдеуҚабатов көлігін жүргізген оның көмекшісі 2019 жылдың қазанында Нұра ауданының Ахмет елді-мекенінің маңында Ерлан Омарқұлов есімді азаматты көлігімен соқты, нәтижесінде Омарқұлов қайтыс болды. 16 тамыз күні Астананың Алматы ауданының №2 аудандық соты жүргізушіні 4 жылға бас бостандығынан айырды, және Қабатов 4 миллион теңге компенсация төлеуге тиіс болды. Әзілкеш ер адамның жесіріне 4 миллион теңге төлегісі келмеді.[2] Оқиғаға қатысты Қабатов видео жариялады, ол жерде «Мен бұл оқиғаның басы-қасында болған емеспін» және «марқұмның өзі кінәлі» деп айтты және көлігін музыкант-коллегасы және көмекшісіне уақытша ғана бергенін айтып кеткен.[3][3]
ҰБТ дауы
өңдеу2021 жылдың тамызында Қабатов ҰБТ кезінде қызы Әдемі Аманғалидың орнына басқа адам жіберген деген ақпарат белгілі болды. Пайда болған шу нәтижесінде Қабатов жасаған бейнеде қызын оқытқан орталықты айыптады және бұл істің жасалатынын Әдемінің ата-аналары білмегенін айтқан.[4] Болған оқиғаға белгілі заңгер Абзал Құспан Қабатовтан көңілі қалғанын айтқан және оқиғаның шынымен де болғанына сенімді екенін айтып кеткен. Заңбұзушылық кезінде жалған құжаттар қолданылды және 13 маусымда[5] қылмыстық іс қозғалды.[6] 20 тамыз күні Қабатов «13-арна» телеарнасында сұхбат беріп, Әдемі Тұрсынбекқызыны дайындаған мұғаліммен және сол мектеп директорымен кездескен. Сол жерде болған оқиға жайлы Қабатов еш нәрсе білмейтінін айтты, және Әдемі мұғалімі Нұрбек Қанай бар кінәні өз мойнына алды.[5]
Дереккөздер
өңдеу- ↑ Турсынбек Кабатов оказался родственником Нурлана Коянбаева (орыс.).
- ↑ ЖЫЛҚЫБАЕВА, Дәрия Турсынбек Кабатов обжаловал приговор по ДТП со смертельным исходом (орыс.). КАРАВАН (3 ноября 2021). Тексерілді, 2 мамыр 2023.
- ↑ a b "Қабатовтың көлігімен адам қақты": әзілкеш ақпаратқа түсініктеме берді - видео (қаз.). SPUTNIK (8 қараша 2021). Тексерілді, 2 мамыр 2023.
- ↑ НАҚТЫБАЙ, Есімжан Тұрсынбек Қабатов ҰБТ-ға қатысты дау-дамай жөнінде видео жариялады (қаз.). kazinform (16 тамыз 2021). Тексерілді, 2 мамыр 2023.
- ↑ a b "Түк қатысым жоқ". Тұрсынбек Қабатов қызының ҰБТ тапсыруға қалай барғанын баяндады (қаз.). informburo (20 тамыз 2021). Тексерілді, 2 мамыр 2023.
- ↑ АСҚАРҚЫЗЫ, Гафура Тұрсынбек Қабатов ҰБТ-ға қызының орнына басқа адамды кіргізген бе? (қаз.). Түркістан (15 тамыз 2021). Тексерілді, 2 мамыр 2023.
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
| Бұл мақаланы Уикипедия сапа талаптарына лайықты болуы үшін уикилендіру қажет. |