Футзалдан 2024 жылғы әлем чемпионаты

	Футзалдан 2024 жылғы әлем чемпионаты
Чемпионат сипаттамасы
Өткізу орыны	Өзбекстан
Өткізетін қалалар	3
Стадиондар	TBD
Іріктеу мерзімі	15 маусым 2022 жыл — 19 қараша 2023 жыл
Қатысушылар саны	200
финалда	24
Жүлделі орындар
Чемпион	Бразилия (6-ші рет)
Екінші орын	Аргентина
Үшінші орын	Украина
Төртінші орын	Франция
Чемпионат статистикасы
Келушілер саны	152 823 (2939 бір ойында)
Ойналған мачтар саны	52
Голдар саны	362 (6,96 бір ойында)
	Литва 2020 2028
	Бұл үлгіні: көру • талқылау • өңдеу

Футзалдан 2024 жылғы әлем чемпионаты (FIFA World Futsal Cup 2024) — футзал бойынша әлемнің ең үздік командаларының арасындағы кезекті турнир. 2024 жылы Футзалдан әлем чемпионаты оныншы рет өтеді. Әлем чемпионатын Өзбекстан қабылдайды, ал турнир 2024 жылғы 14 қыркүйектен 6 қазан аралығында 22 күнге созылып, Ташкент, Андижан және Бұхара қалаларында өтеді.

Чемпионаттың жеребесі 2024 жылғы 26 мамыр күні Самарқан қаласында өтті. Жеребе қорытындысы бойынша төрт командадан тұратын алты топ жасақталды. Барлығы 24 елдің құрама командалары қатысады.

"Жылдамдық шеберлері" ұранымен өтетін бұл чемпионатта Орталық Азияның төрт командасы қатысады: Ауғанстан, Қазақстан, Тәжікстан және қожайын ел – Өзбекстан.

2024 жылғы чемпионатқа алғаш рет қатысатын төрт мемлекет бар: Ауғанстан, Франция, Жаңа Зеландия және Тәжікстан. Бұл командалар бірінші рет FIFA футзал әлем чемпионатына қатысу мүмкіндігін алады.

Қазіргі чемпион Португалия және алдыңғы үш FIFA футзал әлем чемпиондары – Аргентина, Бразилия және Испания – бұл турнирде өз атақтарын қорғауға тырысады.

Өзбекстан Гонконг (1992), Қытай Тайбэй (2004) және Таиланд (2012) елдерінен кейін FIFA футзал әлем чемпионатын қабылдаған төртінші Азия футбол конфедерациясының мүшесі болды.

Өтетін орынды таңдау

Турнир логосы

FIFA Футзалдан 2024 жылғы әлем чемпионатының бренді мен эмблемасы таныстырылды. Турнирдің ресми логотипі көптеген дәстүрлі өзбек тағамдарында қолданылатын қалампыр бұрышынан шабыт алған. «Жылдамдық шеберлері» концепциясына негізделген брендтің бірегейлігі футзалдың жоғары қарқындылығы мен динамикасын көрсетеді. Ал ресми эмблема FIFA футзал әлем чемпионатының трофейі пішінінде жасалған, оның жоғарғы бөлігінде бес қалампыр бұрышы доп тәрізді орналастырылған.

FIFA турнирлерінің директоры Хайме Ярза: «Орталық Азияда өткізілген алғашқы FIFA турнирі ретінде, Өзбекстандағы FIFA футзал әлем чемпионаты тек футзал үшін ғана емес, сонымен қатар осы таңғажайып аймақ үшін де маңызды оқиға болады. Ресми көріністің жарқын түстері мен өрнектері Өзбекстанға келгендердің бәріне әсер ететін ерекше және қызықты турнирдің дәмін береді», - деп мәлімдеді.

Өзбекстан футбол қауымдастығының бірінші вице-президенті Равшан Ирматов: «Турнирдің логотипі өте жарқын түстерде, тартымды және заманауи стильде жасалған. Бұл шынайы шығыс және өзбек дәмін көрсетеді. Сондай-ақ, ол Өзбекстанның мәдени мұрасы мен тарихи құндылықтарының үйлесімін көрсетеді» - деп қосты.

Ресми брендинг алғаш рет 2024 жылғы 26 мамырда Самарқандтың Регистан алаңында топтық кезеңнің жеребесі тартылатын шара аясында көпшілікке таныстырылды.

Турнир форматы

Футзалдан 2024 жылғы әлем чемпионатына әлемнің әр түкпірінен 24 команда қатысады. Командалар топтық кезеңде 6 топқа бөлініп, әр топта 4 команда ойнайды. Әр топтан ең үздік 2 команда және 4 үздік үшінші орын алған командалар плей-офф кезеңіне өтеді.

Қалалар мен стадиондар

Чемпионат Өзбекстанның Ташкент, Андижан және Бұхара қалаларында өтеді. Нақты қалалар мен стадиондардың тізімі төмендегідей:

Өзбекстан
Ташкент	Әндіжан	Бұхара
Хумо Арена	Әндіжан Арена	Бұхара Арена
Сыйымдылығы: 12,500	Сыйымдылығы: 10,000	Сыйымдылығы: 8,000

Ташкент Әндіжан Бұхара Футзалдан 2024 жылғы әлем чемпионаты, Өзбекстан

Қатысушылар

Толық мақаласы: Футзалдан 2024 жылғы әлем чемпионаты (квалификация)

Саны	Конфедерация	Құрама	Статус	Саны	Конфедерация	Құрама	Статус
5	АФК	Ауғанстан	Дебютант	4	КОНМЕБОЛ	Аргентина
		Иран				Бразилия
		Тәжікстан	Дебютант			Венесуэла
		Таиланд				Парагвай
		Өзбекстан	Қожайындар	1	ОФК	Жаңа Зеландия	Дебютант
3	КАФ	Ангола		7	УЕФА	Испания
		Ливия				Қазақстан
		Марокко				Нидерланд
4	КОНКАКАФ	Гватемала				Португалия	Әрекет етуші Чемпион
		Коста-Рика				Украина
		Куба				Франция
		Панама				Хорватия

Жеребе тарту

2024 жылы 26 мамыр күні жеребе тарту рәсімі ежелгі Жібек жолы қаласындағы Самарқанд қаласының орталық алаңы Регистан алаңында өтті. Футзадан әлем чемпионаты тұңғыш реті Орталық Азия өңірінде өтеді. Өзбекстан құрамасы турнирдің ашылу матчын Нидерланд құрамасына қарсы өткізеді. Жеребе тарту кезінде Navruz би тобы және дәстүрлі би тобы Бек мәдени қойылымдарымен өнер көрсетті. Сонымен қатар, қабылдаушы ел жазған және шығарған арнайы әнді Севара Назархан және Женісбек Пиязов орындады.

Жеребе тарту рәсімін өзбек спорт комментаторы Даврон Файзиев жүргізді, ал жеребе тартуды FIFA турнирлерінің директоры Хайме Ярза басқарды. Оған Өзбекстанның рекордтық ойыншысы және екі мәрте Азияның үздік футболшысы атанған Сервер Джепаров және екі мәрте FIFA футзал әлем чемпионатының жеңімпазы Кике Бонед көмектесті. Жеребе тарту көмекшілерінің үштігін FIFA аңызы және бұрынғы Франция құрамасының ойыншысы Луис Саха толықтырды.

Қонақтар арасында Өзбекстан Республикасының Спорт министрі Адхам Икрамов және Өзбекстан футбол қауымдастығының бірінші вице-президенті Равшан Ирматов болды, ол да сөз сөйледі. Сонымен қатар, FIFA президенті Джанни Инфантиноның арнайы жазылған құттықтау хабары көрсетілді.

Бұл жеребе 2024 жылдың мамыр айының басында ерлер мен әйелдер арасындағы ұлттық футзал командаларының FIFA футзал әлемдік рейтингісі іске қосылғаннан кейінгі алғашқы жеребе болды. Бес рет рекордтық жеңіске жеткен Бразилия, әйелдер рейтингінде де бірінші орынға ие, қазіргі чемпион Португалия, Испания, Иран және Аргентина жеребе тарту кезінде үздік бес команда болды.

Португалия E тобына түсті, ол топта Панама, Тәжікстан және Марокко командалары бар. Ал Бразилия, Аргентина және Испания B, C және D топтарына сәйкесінше орналасты.

2012 жылы FIFA футзал әлем чемпионатын ұйымдастырған Таиланд, бес рет әлем чемпионы болған Бразилиямен бірге B тобына түсті – бұл топта сондай-ақ Куба және Хорватия бар. Еуропаның ең табысты футзал командасы Испания, Қазақстан, Жаңа Зеландия және Ливиямен бірге D тобына түсті.

Жеребе алдындағы себеттер

1 себет	2 себет	3 себет	4 себет
Өзбекстан	Марокко	Хорватия	Нидерланд
Бразилия	Қазақстан	Жаңа Зеландия	Гватемала
Португалия	Таиланд	Венесуэла	Панама
Испания	Франция	Ауғанстан	Ангола
Иран	Украина	Коста-Рика	Ливия
Аргентина	Парагвай	Тәжікстан	Куба