Хамит Нұрланұлы Омаров

Хамит Нұрланұлы Омаров (1953 жылы 26 наурызда Қарағанды облысы Балқаш қаласы —2020)

Қазақ. Арғын тайпасының Қуандық руының Сайдалы бөлімінен шыққан. [1]

С.М. Киров атындағы қазақ мемлекеттік университетін (1978) бітірген, тарих және қоғамтану пәндерінің оқытушысы. Қазақ және орыс тілдерін біледі. 1970 жылдан - №21 құрылыс-монтаж поезінің ұстасы (Целиноград қаласы). 1972 жылдан - Қазақ темір жолы Қарағанды бөлімшесінің Жаңаарқа жол стансасының жол жөндеушісі. 1973 жылдан - С.М. Киров атындағы Қазақ мемлекеттік университетінің студенті. 1978 жылдан - Қазақстан ЛКЖО Алматы қаласы Октябрь аудандық комитеті оқушы жастар мен мектеп оқушылары бөлімінің нұсқаушысы. 1980 жылдан - Қарағанды облысы Жаңаарқа ауданы №12 орта кәсіптік-техникалық училищесінің өндірістік оқыту шебері, тарих, эстетика, саяси экономика оқытушысы. 1984 жылдан - «Білім» қоғамының Жаңаарқа аудандық ұйымының жауапты хатшысы. 1985 жылдан - Қазақстан Компартиясы Қарағанды облысы Жаңаарқа ауданы Атасу кенті аудандық комитетінің үгіт-насихат бөлімінің нұсқаушысы, ұйымдастыру бөлімі меңгерушісінің орынбасары, партиялық есеп секторының меңгерушісі. 1991 жылдан - Қарағанды облысы Жаңаарқа ауданы Жаңаарқа аудандық Халық депутаттары кеңесінің аға референті. 1992 жылдан - Қарағанды облысы Жаңаарқа ауданы Атасу кенті аудандық әкімшілігінің аға референті, үйымдастыру бөлімінің меңгерушісі, басшы аппаратының жетекшісі. 1994 жылдан - Жаңаарқа аудандық мәслихатының хатшысы. 2007 жылдан - Қарағанды облысы Жаңаарқа ауданының әкімі. 2010 жылдың тамызынан бері - Қарағанды облысы Тілдерді дамыту басқармасының бастығы. 4 мерейтой медальдарымен марапатталған.[2]

ДереккөздерӨңдеу

  1. https://ru.calameo.com/read/002311503acc7d5c82976
  2. Қазақстан Республикасында кімнің кім екені. Екі томдық анықтамалық. Алматы, 2011 жыл. ISBN 978-601-278-473-2