Шалқар калий тұзы кен орны
Шалқар калий тұзы кен орны - Орал қаласынан оңтүстікке қарай 100 км жерде, Шалқар көлінің жағасында орналасқан.
Геологиялық құрылымы өңдеу
Шалқар құрылымы тұзбен кептелген алып тұз күмбезі болып табылады. Оның пішіні эллипс тәрізді, меридиан бағытында 35 км-ге, ендік бағытта 25 км-ге созылған.
Жатыс сипаты өңдеу
Кен орны біршама жазық, оңтүстікке еңістеліп, солтүстікте күрт үзіледі. Қат-қабат 270-350 м тереңдікте ангидрит-гипс тау жыныстарымен көмкерілген. Тұз үсті қат-қабатында үш шоғыр ерекшеленеді: төменгі гипс (75-140 м), орталығы ангидрит (20-90 м), жоғарғы гипс (20-60 м). Шалқар калий тұзы кен орнының қимасы екі қабаттан тұрады: төменгі галит белдемі (1000 м шамасында) және калийлі (өнімді) белдем (200 м). Мұнда жоғары сапалы сильвинит (30-70%), карналлит, кизерит пен бишофит бар. Қоры 1 млрд т шамасындағы кешенді кен орны.[1]
Дереккөздер өңдеу
- ↑ Қазақ энциклопедиясы, 9 том 18 бөлім
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |