Шаншар (биология)

Шаншар (aculeus) – жарғаққанаттылардың ұрғашыларының шағу аппараттарының бір бөлігі. Шаншар, өзгерген жұмыртқа салғыш, бірақ ол негізгі қызметін өзгертіп, жәндіктің шабуылдау және қорғану мүшесіне айналған. Жай уақытта шаншар құрсағынын ең сонғы буынтығының ішінде жатады да, қажетті жағдайда сыртқа шығады. Төменгі және ортаңғы жаппалар аралығында өзек пайда болған. Ол өзек арқылы жараға у құйылады. Бал арасының жаппаларының шеті кертіктелген. Ірі жануарлар мен адамды шақса, ара қайтып өзінің шаншарын шығара алмайды да өледі. Сарышаяндар шаншары, қуыс соңғы буынтағына орналасқан және у бездерімен қосылған.