Шағырлы-Шөмішті газ кен орны

Шағырлы-Шөмішті газ кен орныМаңғыстау облысы Бейнеу ауданы Үстірт-Бозащы шөгінді алабында орналасқан. 1966 жылы ашылған. Жалпы ауданы 470,35 км2.

Шағырлы-Шөмішті газ кен орны
45°55′55″ с. е. 56°09′04″ ш. б. / 45.9320502° с. е. 56.151123° ш. б. / 45.9320502; 56.151123 (G) (O) (Я)Координаттар: 45°55′55″ с. е. 56°09′04″ ш. б. / 45.9320502° с. е. 56.151123° ш. б. / 45.9320502; 56.151123 (G) (O) (Я)
Ел Қазақстан
АймақМаңғыстау облысы
Ашылған уақыты1966 жыл
Шағырлы-Шөмішті газ кен орны (Қазақстан)
Шағырлы-Шөмішті газ кен орны
Шағырлы-Шөмішті газ кен орны (Маңғыстау облысы)
Шағырлы-Шөмішті газ кен орны

Геологиялық құрылымы өңдеу

Кен денесі ендік бағытта созылған Шағырлы, Солтүстік Шөмішті, Батыс Шөмішті, Шығыс Шөмішті көтерілімдерімен күрделіленген брахиантиклиналдық қатпардан орын алған. Шағырлы және Солтүстік Шөмішті көтерілімдерінің амплитудасы 30-20 м, қанаттарының еңістену бұрышы 1-80°, ал Батыс Шөмішті, Шығыс Шөмішті көтерілімдерінде тіктеу болып келеді. Өнімді қабат палеоген жүйесінің эоцен шөгінділерінде 360 м тереңдікте жатыр.

Жатыс сипаты өңдеу

Қимасы алевролиттермен және тығыз сазбен кезектесе қабаттасып, әлсіз цементтелген құмтастар мен құмнан құралған. Қиманың жалпы қалыңдығы 28,8 м, оның газға қаныққаны — 7,4 м. Иірім қабат пішінді, ішінара қалқаланған дөңгелек.

Құрамы өңдеу

Құрамы жағынан газы құрғақ, этаны аз, метан 86,9-96,4%, бұлардан басқа азот, көмірқышқыл газы, гелий бар. Хлоркальций типті қабат суларының тығыздығы 1,08 г/см3, минералдығы 87,9-147,2 г/л, микроқұраушылардан йод, бром, бор кездеседі.[1]

Дереккөздер өңдеу

  1. Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1