Шелихов шығанағы
Шелихов шығанағы — Охота теңізінің Солтүстік-Шығыс Азия жағасы мен Камчатка түбегінің аралығындағы солтүстік бөлігі.
| Шелихов шығанағы орыс. Залив Шелихова | |
 | |
| Шелихов шығанағы | |
| Сипаттамасы | |
|---|---|
| Түрі | шығанақ |
| Тереңдігі | 350 м |
| Орналасуы | |
| 60° с. е. 158° ш. б. / 60° с. е. 158° ш. б. (G) (O) (Я)Координаттар: 60° с. е. 158° ш. б. / 60° с. е. 158° ш. б. (G) (O) (Я) | |
| Өзінен жоғары акватория | Охота теңізі |
| Ел |  Ресей |
| Аймақтар | Магадан облысы, Камчат өлкесі |
Теңізден шамамен Пьягин түбегі тұсынан бөлінеді. Ұзындығы 650 км, ені кіре берісінде 130 км, ең енді жері 350 км. Орташа тереңдігі 50 — 150 метр. Орта тұсында оңтүстік-батысынан солтүстік-шығысқа қарай созылған су асты шұңғымасында тереңдігі 350 метрге дейін жетеді. Жағалауы түзу сызықты, жартасты, аз тілімделген. Солтүстік бөлігінде ұсақ шығанақтар мен қолтықтар таралған. Ең ірілері Гижига және Пенжина қолтықтары. Оларды Тайгонос түбегі бөліп тұр. Шығанаққа құрлықтан және Камчатка түбегінен көптеген өзендер (Пенжина, Гижига, Таловка, Парень, Яма, т.б.) құяды. Қазан — қараша айларынан мамыр — маусымға дейін қатады. Толысу толқынының биіктігі Пенжина қолтығында 12,9 метрге жетеді. Жартасты жағалауында құс базары бар. Балық (майшабақ, палтус, камбала, навага) ауланады.