Шәкен Күмісбайұлы
Шәкен Күмiсбайұлы (1943 жылы 17 қазанда туған, Алматы облысы, Ақсу ауданы, Қаракөз ауылы — 28 сәуір 2022 жыл) — балалар жазушысы, “Құрмет” орденінің, Халықаралық “Алаш” әдеби сыйлығының лауреаты, Ақсу ауданының Құрметті азаматы.[1]
| Шәкен Күмісбайұлы | |
| Туған күні | |
|---|---|
| Туған жері | |
| Қайтыс болған күні | |
| Марапаттары |
 
|
| Сыйлықтары |
Халықаралық “Алаш” әдеби сыйлығының иегері (2008) |
1965 жылы Алматы педагогикалық шет тілдер институтының неміс тілі факультетін бітірген. Өз ауылында мұғалім, республикалық «Мәдениет және тұрмыс» (қазіргі «Парасат») журналында, «Қазақ елі», «Ана тілі» газеттерінде әдеби қызметкер, республикалық «Бала Би», «Айгөлек» журналдарында жауапты хатшы, Сәбит Мұқанов пен Ғабит Мүсірепов мұражайында бөлім меңгерушісі болып қызмет еткен. «Балалар әдебиеті» баспасында Бас редактор болып қызмет атқарады. Алғашқы әңгімесі «Жеңеше» деген атпен 1965 жылы Алматы облыстық газетінде жарияланған. 1971 жылы, 1975 жылы екі мәрте балалар мен жасөспірімдерге арналған шығармалардың республикалық жабық бәйгесінде жүлдегер болған. 2008 жылы «Солақай» кітабы үшін Халықаралық «Алаш» әдеби сыйлығының лауреаты атанған. «Қазақстан Республикасына 20 жыл» медалімен марапатталған.
«Ақсақ шал» (1972), «Тау жолдары» (1977), «Соқ, барабан» (1979), «Таудағы жазу» (1983), «Кішкене шал» (1986), «Қаладағы келін» (1989), «Қарақуыстың желі» (1991), «Атамның аманаты» (2001), «Қайсар бала», «Бір арқа отын», «Айдын көлдің аққулары», «Жапандағы жалғыз», «Солақай», «Итталас», «Жүз он бір жұмбақ», «Түңғыштар», «Шатақ шырпы», «Қалам мен дәптер», «Бейтаныс заттар дауы», «Табиғат — Ана», «Қазақтың нобелі», «Шапағатты шырақ», «Мамания», «Түнгі текетірес» кітаптарының авторы. Балаларға арналып жазылған «Қаракерей Қабанбай», «Қанжығалы Бөгенбай», «Шақшақ Жәнібек», «Райымбек батыр», «Әлемді әнімен асқақтатқан «Дос-Мұқасан» атты кітаптары бар. Мектеп бағдарламасын арнап «Қобыланды батыр», «Алпамыс батыр», «Қозы Көрпеш — Баян Сұлу», «Ер Тарғын» эпостарын поэзиядан қара сөзге айналдырған, 2008 жылы қазақтың балалар жазушыларының «Балалар бағының бағбандары» атты анықтамалық жинағыш құрастырған.[2]
2022 жылы 28 сәуірде жазушы Шәкен Күмісбайұлы қайтыс болды.[3]
Дереккөздер өңдеу
- ↑ 79 жасқа қараған шағында жазушы Шәкен Күмісбайұлы дүниеден озды. Қазақстан Жазушылар одағы, 28 сәуір 2022 жыл.
- ↑ Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: «Аң арыс» баспасы, 2009 жыл
- ↑ Балалар жазушысы Шәкен Күмісбайұлы өмірден озды. Информбюро, 28 сәуір 2022 жыл.
| Бұл мақаланы Уикипедия сапа талаптарына лайықты болуы үшін уикилендіру қажет. |