Шөгінді таужыныстардың керіші

Шөгінді таужыныстардың керіші — сынықты материалдарды, органикалық қалдықтарды, солиттерді, сферолиттерді, копролиттерді және т.б. біріктіріп, оларды тығыз тау жынысына айналдыратын зат. Шөгінді таужыныстардың керіші құрамы жағынан карбонатты (кальцитті, доломитті, сидеритті), сульфатты (гипсті, ангидритті, баритті), кремнийлі (опалды, халцедонды, кварцты), сазды (гидрослюдалы, каолинитті, монтмориллонитті, галлуазитті, глауконитті), хлоритті, фосфатты, темірлі және т.б. болады. Сынықтармен мөлшер қатынасы бойынша базалық, қуыстық, жанасулық, қаптамалық болады. Керіш пен сынықтардың өзара қатынасына қарай крустификациялық, регенерациялық, пойкилиттік, коррозиялық керіш түрлері бөлінеді. Керіш құрылымына қарай: аморфты, пелитоморфты және кристалл түйірлік, жаралу уақытына карай: бастапқы және екіншілік болады.