Юлиан Абрамович Векслер

Юлиан Абрамович Векслер (14 наурыз 1934 жылы, Украина, Луганск қаласында туған) – техника ғылымдарының докторы (1973 жылы), профессор (1974 жылы).

Мәскеу тау-кен институтын (1957 жылы) және оның аспирантурасын (1964 жылы) бітірген. «Қарағандыкөмір» өндірістік бірлестігінің шахтасында кен ісі шебері, бас инженердің көмекшісі (1957–61 жылдары), Қарағанды политехникалық институтында (қазіргі Қарағанды мемлекеттік техника университеті) аға оқытушы, доцент, профессор (1964–78 жылдары), Қазақстан Ғылым Академиясының Сейсмология институтында зертхана меңгерушісі және Қарағанды политехникалық институтында кафедра меңгерушісі (1979–88 жылдары) қызметтерін атқарды. Қазір Германияның Мюнхен қаласында тұрады.

1971 жылы «Исследование больших деформаций ползучести и разрушения горных пород вокруг горизонтальных выработок» деген тақырыпта докторы диссертация қорғады. Оның негізгі ғылыми еңбектері мен жаңалықтары кен жынысымеханикасына, кен жыныстары сырғымалылығының үлкен деформалануын есептеуге және жыныс массивтеріндегі динамикалық құбылыстарды қоздыру теориясына арналған. Векслер 140 ғылыми-зерттеу еңбектің, оның ішінде 4 монография мен 21 авторлық куәліктің иегері. Қазақ КСР-і Мемлекеттік сыйлығы лауреаты (1974 жылы).

Сілтемелер

• «Карагандинский государственный технический университет»(қолжетпейтін сілтеме)
• «Кафедра разработки месторождений полезных ископаемых»(қолжетпейтін сілтеме)