Юрий Алексеевич Гагарин

Гагарин Юрий Алексеевич (9 наурыз 1934 жыл, Смоленск облысы, Гжат ауданы (қазіргі Гагарин), Клушино ауылы — 27 наурыз 1968 жыл, Владимир облысы) – КСРО ұшқыш-ғарышкері, Кеңес Одағы батыры, ғарыш кеңістігіне сапар жасаған ең бірінші адам, полковник (1963), Кеңес Одағының Батыры (1961).

Юрий Алексеевич Гагарин
орыс. Юрий Алексеевич Гагарин
Мемлекеті	КСРО
Мансабы	ұшқыш-ғарышкер
Әскери атағы	Полковник
Экспедициялары	Восток-1 (12 сәуір)
Ғарышта болған уақыты	1 сағ 48 минут
Туған күні	9 наурыз 1934 (1934-03-09)
Туған жері	Клушкино ауылы, Гжатский ауданы, КСРО
Қайтыс болған күні	27 наурыз 1968 (1968-03-27) (34 жас)
Қайтыс болған жері	Киржач қаласы манында, Владимир облысы, РКФСР, КСРО
Сыйлықтары	Кеңес Одағының Батыры

Өмірбаяны

• 1961 жылы 12 сәуірде Восток ғарыш кемесімен Байқоңыр ғарыш алаңынан тарихта тұңғыш рет ғарышқа ұшты. Ол Жерді айналып ұшып, 1 сағат 48 минуттан кейін Жерге қайта қонды.
• 1951 жылы Мәскеу маңындағы Люберцы қаласыңдағы қолөнер училищесін, 1955 ж. Саратов индустрия техникумын бітірген.
• 1955 жылдан Кеңес Армиясы катарында.

• 1-Чкалов әскери-авиац. ұшқыштар училищесін бітіргеннен (1957) кейін Солтүстік флоттың жойғыш авиациялық бөлімдерінде қызмет етті.

• 1960 ж. ғарышкерлер қатарына алынды.
• 1961 жылдан ғарышкерлер отрядының командирі болды.

• 1961 ж. 12 сәуірде тарихта тұңғыш рет "Восток" ғарыш кемесімен Байкоңыр ғарыш алаңынан ғарышқа ұшты. Бұдан кейін ол ұшқыш-ғарышкер ретінде өзінің ұшу шеберлігін жетілдіріп, ғарышкерлерді үйретіп - жаттықтыру ісіне тікелей араласып, ғарыш кемелерінің ұшу процесін басқаруға қатынасып отырды.

• 1968 ж. Әскери-әуе инженерлік академиясын бітірді.

• 1964 — 68 ж. Ғарышкерлерді даярлау орталығы бастығының орынбасары болды. Ол бірнеше елдерде болып қайтты.
• Гагарин ұшақпен жаттығу кезінде қаза тапты (Владимир обл. Киржак ауд.Новоселово селоның маңында).
• Мәйітінің күлі Мәскеудің Қызыл алаңындағы Кремль қабырғасына қойылған.

Бразилия президенті Янио Квадрос 1961 жылы Гагаринді безендіреді.

Марапаттары

• 1966 жылдан Астронавтика халықаралық академиясының құрметті мүшесі.

• Ленин орденімен, медальдермен және көптеген шет ел ордендерімен марапатталған.
• Чехословакияның Социалистік Еңбек Ері

• Болгарияның Батыры

• Венгрияның Еңбек Ері атақтары берілді.

Есте қалдыру

• Монинодағы (Мәскеу обл.) Әскери-әуе академиясына

• Айдың арғы бетіндегі кратердің біріне Гагарин есімі берілген.

• 1968 ж. Халықаралық авиациялық федерациясы Ю.А. Гагарин атындағы алтын медаль тағайындады.

• Ресейдегі ғарышкерлерді даярлау орталығы

• Гагарин атындағы Ресей ҒА-ның ғылыми-зерттеу кемесі

• Дүние жүзінің көптеген оку орындары

• қалалар, көшелер мен алаңдар Гагарин есімімен аталады.

Дереккөздер

Ортаққорда бұған қатысты медиа файлдар бар: Category:Yuri Gagarin