Юрий Иванович Бекназар-Ханинга

Юрий Иванович Бекназар-Ханинга (11 ақпан 1949, Өскемен, Қазақ КСР) — кеңестік және қазақстандық театр актері, театр режиссері, ұстаз, профессор. Қазақстан Республикасының еңбек сіңірген қайраткері (1998). «Құрмет» орденінің иегері (2001).

Юрий Иванович Бекназар-Ханинга
Туған күні	11 ақпан 1949 (1949-02-11) (75 жас)
Туған жері	Өскемен, Қазақ КСР
Азаматтығы	КСРО  Қазақстан
Қызметі	актер, театр режиссері, театр ұстазы, профессор
Белсенді жылдары	1973 — әлі күнге дейін
Театр	М.Горький атындағы орыс драма театры
Марапаттары	Құрмет ордені Қазақстанның еңбек сіңірген қайраткері

Өмірбаяны

Юрий Иванович Ханинга-Бекназар 1949 жылы 11 ақпанда Өскемен қаласында дүниеге келген. Ұлты эвенк.

1967 жылдан бастап Өскемен қаласында балалар спорт мектебінде жаттықтырушы, дене шынықтыру пәнінің мұғалімі, орта мектепте орыс тілі мен әдебиеті пәнінің мұғалімі болып жұмыс істеді. 1971 жылы Өскемен педагогикалық институтының филология факультетін «орыс тілі мен әдебиеті мұғалімі» біліктілігімен бітірді.

1973 жылдан Қазақстан театрларында (А.П. Чехов атындағы Павлодар драма театры, Жамбыл атындағы Шығыс Қазақстан драма театры, Б. Римова атындағы Талдықорған драма театры, А.Н.Островский атындағы Орал орыс драма театры, М.Ю.Лермонтов атындағы орыс драма театры, М.О.Әуезов атындағы Қазақ мемлекеттік академиялық драма театры, М.Горький атындағы орыс драма театры) актері, режиссер, бас режиссер, көркемдік жетекші қызметтерін атқарды. 1982 жылы Б.В.Щукин атындағы театр училищесінің режиссура факультетін (халық әртісі профессор А.М. Поламишевтің курсы) бітірген.

2000 жылдан бастап Қазақ ұлттық өнер университетінде актерлік шеберлік, 2004 жылдан бастап драма театры режиссурасынан сабақ береді, профессор. Оның тікелей басшылығымен және қатысуымен актерлік өнер менен режиссура кафедрасы (кейіннен – кино, ТВ және театр кафедрасы) құрылды.

Отбасы

Әйелі — Ләйла Ақназарқызы Бекназар-Ханинга (1960 ж.т.) кино және театр актрисасы, профессор, ҚР еңбек сіңірген қайраткері. Үш баласы бар.

Шығармашылығы

В.Войновичтің «Иван Чонкин» қойылымы Қазақстан Республикасында 1990 жылдың үздік қойылымы деп танылды (Орал қ.).

• Ең маңызды қойылымдары: А.Камью «Калигула» (Павлодар), «Ромео мен Джульетта» (Алматы), «Гамлет» (Алматы), «Тартюф» (Астана), Н.В.Гоголь «Неке» (Бішкек), және т.б.
• М.Горький атындағы орыс драма театрында келесі қойылымдарды қойды: «Мұнда бәрі өзіміз ғана» - Н.В.Гогольдің «Ревизор» пьесасы бойынша импровизация, 2002 ж.; Л.Толстой «Ағартудың жемістері», 2012 ж. және т.б.

Қойылымдары

1993 ж. — Бейтаныс адаммен отбасылық портрет, М. Ю. Лермонтов атындағы Мемлекеттік академиялық орыс драма театры.

Марапаттары

• Қазақстан Республикасы Театр қайраткерлері одағының сыйлығы (1988, Павлодар) — үздік режиссер үшін («Ромео мен Джульетта» қойылымы);
• Қазақстан Республикасы театр фестивалінің Абай атындағы күміс медалі (1995, Жезқазған) — «Мұз бен қызу» қойылымы үшін;
• «Қазақстан Республикасының еңбек сіңірген қайраткері» (1998) — отандық театр өнерін дамытуға қосқан зор үлесі үшін;
• «Астана» медалі (1998);
• «Құрмет» ордені (2001) — отандық театр мәдениетін дамытуға қосқан зор үлесі үшін;
• «Қазақстан Республикасының тәуелсіздігіне 10 жыл» медалі (2001);
• «Қазақстан Республикасы Білім беру ісінің үздігі»;
• Өнертану профессоры;
• Қырғызстанның үздік режиссері (2008);
• Театр фестивалінің бірнеше дүркін жеңімпазы;