Ғайса Иманғазыұлы Оразалиев

Ғайса Иманғазыұлы Оразалиев (1917 ж.т., Астрахан облысы Қарабайлы ауылы — 26.2.2000, Орал қаласы) — соғыс және еңбек ардагері. ҚазПИ-ді, Мәскеу жоғарғы партия мектебін бітірген. Еңбекжолын Тараз (Жамбыл) қаласындағы педагогикалық училищеде ұстаздық қызметінен бастады. Фин соғысына, Солтүстік Буковинаны азат етуге, Белоруссия майданындағы ұрыстарға қатысқан. Бірнеше жауынгерлік орден, медальдармен марапатталды. Соғыстан соң Жамбыл облысы партия комитетінде бөлім меңгерушісі, Қызылорда облысы партия комитетінің хатшысы, Орал облысы партия комитетінің бөлім меңгерушісі, парт- комиссия төрағасы. Облыстық кітап- құмарлар қоғамын, ардагерлер ұйымын басқарды.