Ғани Есенкелдіұлы Қасымов

Ғани Есенкелдіұлы Қасымов (3 мамыр 1950, Гурьев, Қазақ КСР) — Қазақстанның саяси мемлекет қайраткері, Қазақстан Республикасы Парламенті Сенатының депутаты, Қазақстан патриоттары партиясының төрағасы, Қазақстан Республикасының Төтенше және Өкілетті Елшісі, кеден қызметінің генерал-майоры.

Ғани Есенкелдіұлы Қасымов
Лауазымы
Қазақстан Республикасы Мемлекеттік кеден комитетінің төрағасы
қыркүйек 1996 — 5 желтоқсан 2002
Өмірбаяны
Партиясы	Қазақстан патриоттары партиясы
Білімі	ММХӨҚИ
Дүниеге келуі	3 мамыр 1950 (1950-05-03) (74 жас) Атырау, Қазақ КСР
Әкесі	Қасымов Есенкелді Қасымұлы
Анасы	Қасымова Манара Ахметқызы
Жұбайы	Райхан Сұлтанқызы
Балалары	қыздары: Айнұр (1975), Джулия (1979)
Әскери қызметі
Құрамында болды	Қазақстан
Әскер түрі	Кеден органдары
Атағы	Кеден қызметінің генерал-майоры
Марапаттары	Достық ордені

Өмірбаяны

Жас кезі

1950 жылы 3 мамырда Гурьев қаласында туған.

Әкесі - Қасымов Есенкелді Қасымұлы (1923-1992) , халыққа білім беру саласының қызметкері , мұғалім. Анасы - Қасымова Манара Ахметқызы, оқытушы.

КСРО СІМ Мәскеу мемлекеттік халықаралық қатынастар институтын (1974); КСРО СІМ Дипломатиялық академиясын (1986) бітірген, халықаралық экономикалық қатынастар маманы.

Қазақ, орыс, француз және араб тілдерін біледі.

1974 жылдан - ҚазКСР СІМ консулдық, хаттама бөлімдерінің бірінші хатшысы. 1975 жылдан - баспасөз және ақпарат бөлімінің меңгерушісі . 1978 жылдан - хаттама бөлімінің меңгерушісі , 1980 жылдан - ҚазКСР СІМ бас хатшысы. 1987 жылдан - КСРО ІІМ Дипломатия академиясы жанындағы дипломатия мамандарының біліктілігін жетілдіру курстарының тыңдаушысы. 1988 жылдан - ҚазКСР ІІМ бас хатшысы. 1990 жылдан -ҚазКСР Президентінің кеңесшісі. 1992 жылдан - ҚазКСР Президентінің кеңесшісі - ҚР Президенті және Министрлер кабинеті Аппаратының халықаралық бөлім меңгерушісі. 1994 жылдан - Француз Республикасындағы ҚР сауда-экономикалық екілі. 1996 жылдан - ҚР Мемлекеттік кеден комитетінің терағасы. 1999-2004 жылдары - ҚР Парламент Мәжілісінің депутаты.

2007 жылдан бері - ҚР Парламент Сенатының депутаты, Халықаралық қатынастар, қорғаныс және қауіпсіздік комитетінің мүшесі.

Қазақстан патриоттары партиясының төрағасы (2000 жылдан). ҚР Ерікті өрттен қорғау қоғамының төрағасы (2002жылдан). ҚР Ұлттық кеңесінің мүшесі (2003 жылдан). 1-ші санаттағы Төтенше және Өкілетті Елші (1994). «Достық» орденімен, ҚР медальдарымен марапатталған. «Жыл парламентарийі» номинациясындағы «Жыл адамы» (2000), «Ең демократияшыл саясаткер» (2002), «Жыл депутаты» (2003, 2007, 2008) атақтарына ие. ҚР дипломатиялық қызметінің Еңбек сіңірген қайраткері (2004). ҚР Кеден қызметінің генерал-майоры (1997).

Хоббиі -жүйесіз кітап оқу, спорт.

Үйленген. Жұбайы - Райхан. Қыздары - Айнұр, Джулия.Немересі - Далида.