Қазақстанның Мароккодағы Елшілігі

Қазақстанның Мароккодағы Елшілігі — Қазақстан Республикасының Марокко Корольдігіндегі дипломатиялық миссиясы.

Қазақстан Республикасының Марокко Корольдігіндегі Елшілігі
Мекенжайы	10170, Рабат қаласы, Суисси ауданы, Бени Мтир көшесі 3
Ашылуы	30 желтоқсан 2020 жыл
Елші	Сайлауқызы Сәулекүл
Юрисдикциясы	Бенин  Буркина-Фасо  Габон  Гвинея-Бисау  Кот-д’Ивуар  Кабо-Верде  Гамбия  Мавритания  Мали  Сенегал  Сьерра-Леоне  Того ИСЕСКО
https://www.gov.kz/memleket/entities/mfa-rabat/about?lang=kk

Дипломатия

Тағы қараңыз: Қазақстан — Марокко қатынастары

Қазақстан Республикасы мен Марокко Корольдігі арасындағы дипломатиялық қатынастар 1992 жылғы 26 мамырда орнатылды.

2020 жылғы 30 желтоқсанда ҚР Президентінің Жарлығымен Қазақстанның Мароккодағы Елшілігі ашылды.

2021 жылғы наурыздан бастап Саулекүл Сайлауқызы Қазақстан Республикасының Марокко Корольдігіндегі Төтенше және Өкілетті Елшісі болып табылады.

Дипломатиялық өкілдік Қазақстан Республикасы Сыртқы істер министрлігінің жүйесіне кіреді және Қазақстанның Мароккодағы мүдделеріне өкілдік етеді.

Сонымен қатар, Елшілік Қазақстан мен Ислам әлемінің білім, ғылым және мәдениет ұйымымен (ИСЕСКО) ынтымақтастық және Батыс Африка құрылығындағы Бенин, Буркина-Фасо, Габон, Гвинея-Бисау, Кот-д’Ивуар, Кабо-Верде, Гамбия, Мавритания, Мали, Сенегал, Сьерра-Леоне, Тогоға, яғни Батыс Африкадағы 12 мемлекетпен байланыстар үшін жауапты болып келеді.

Елшіліктің негізгі міндеттері:

• Мароккода Қазақстанның ұлттық мүдделерін қамтамасыз ету, сыртқы саяси бағытын іске асыру;
• Мароккодағы Қазақстанның азаматтары мен заңды тұлғаларының құқықтары мен мүдделерін қорғау;
• Қазақстан Республикасының Марокко Корольдігімен ынтымақтастығын дамытуды қамтамасыз ету, Қазақстанның мемлекеттік органдарына, қоғамдық ұйымдарына және іскер топтар өкілдеріне Мароккомен байланыстарды орнатуға және қатынастарды дамытуға жәрдем көрсету;
• Қазақстан Республикасының Марокко Корольдігімен халықаралық шарттарының жобаларын жасасу, орындау және тоқтату туралы ұсыныстарды дайындауға қатысу, екі ел арасындағы шарттардың орындалуына бақылауды жүзеге асыру;
• ИСЕСКО-мен ынтымақтастықты дамыту;
• Батыс Африканың аталған 12 мемлекетімен Қазақстан арасындағы саяси, сауда-экономикалық, мәдени-гуманитарлық ынтымақтастықты нығайту;
• консулдық функцияларды жүзеге асыру;
• басқа функциялар.

Байланыс

Телефон	+212 376 63 63 66
Факс	+212 376 63 63 67
E-mail	rabat@mfa.kz kazembmar@gmail.com