Қайрақпай Ақпаев
Қайрақпай Ақпаев (1909 жылы, Семей облысы, Дала генерал-губернаторлығы, Ресей империясы — 19 сәуір 2002, Мыңбұлақ ауылы, Аягөз ауданы, Шығыс Қазақстан облысы, Қазақстан) — КСРО кеңшарлар министрлігі Қазақ КСР, Семей облысы, Аягөз ауданы, «Мыңбұлақ» ет кеңшарының малшысы. Социалистік еңбек ері (1948).
| Қайрақпай Ақпаев | ||||||
| Туған күні | ||||||
|---|---|---|---|---|---|---|
| Туған жері | ||||||
| Қайтыс болған күні | ||||||
| Қайтыс болған жері |
Мыңбұлақ ауылы, Аягөз ауданы, Шығыс Қазақстан облысы, Қазақстан | |||||
| Марапаттары мен сыйлықтары |
| |||||
Өмірбаяны өңдеу
1909 жылы Семей облысы ауылдық елді мекендерінің бірінде шаруа отбасында дүниеге келген. Бастауыш мектепті бітірген. 1941 жылы маусым айында Қызыл Әскер қатарына шақырылғанға дейін жергілікті ауыл шаруашылығы артелінде жұмыс істеді. 1943 жылдың шілде айынан Ұлы Отан соғысына қатысқан. 20-артиллерия дивизиясының 1619-жеңіл артиллериялық полк құрамында 1-батареяның нысанашы болып шайқасты. Брянск және 2-Балтық майдандарында шайқасты. Ерлігі үшін 1944 жылы қаңтарда 3-дәрежелі Даңқ орденімен марапатталды[1]. Әскерден кейін Қазақстанға оралды. Аягөз ауданындағы «Мыңбұлақ» кеңшарында малшы болып жұмыс істеді.
1947 жылы 40 бас табындағы 4-6 айлық төлдерін бағып, тәулігіне орташа есеппен 1010 грамм салмақ қосты. КСРО Жоғарғы Кеңесі Төралқасының 1949 жылғы 7 қазандағы Жарлығымен «1947 жылы мал шаруашылығында жоғары өнімділік алғаны үшін» оған Социалистік еңбек ері атағы беріліп, Ленин орденімен және «Орақ пен балға» алтын медалімен (№ 2643) марапатталды.
Ол жоғары еңбек жетістіктерін көрсете берді. Семей облысының малшылары арасындағы социалистік жарыста бірнеше рет озық орындарды иеленді. Ерекше еңбек жетістіктері үшін жетіжылдық (1959-1965) қорытындысы бойынша екінші Ленин орденімен және сегізінші бесжылдықтың (1966-1970) қорытындысы бойынша Қазан төңкерісі орденімен марапатталды.
1972 жылы желтоқсанда зейнеткерлікке шыққан соң Аягөз ауданы, Мыңбұлақ ауылында тұрды. 2002 жылы сәуірде қайтыс болды. Мыңбұлақ ауылының зиратында жерленген.
Марапаттары өңдеу
- Социалистік еңбек ері
- Ленин ордені — екі мәрте (1948; 22.03.1966)
- Қазан төңкерісі ордені (08.04.1971)
- 3-дәрежелі Даңқ ордені (21.04.1944)
Сілтеме өңдеу
- Қайрақпай Ақпаев. «Герои страны» сайты.
Дереккөздер өңдеу
- ↑ Ақпаев Қайрақпай, «Память народа» сайты