Қайса Кәрменұлы Шықылаев

Шықылаев Қайса Кәрменұлы (1929-2012) - еңбек ардагері, «1941-1945 Ұлы Отан Соғысы жылдарындағы ерен еңбегі үшін» (1 қыркүйек, 1947) медалі, Еңбек Қызыл Ту ордені (26 сәуір, 1971) мен бірнеше медальдардың иегері, КПСС мүшесі (1954-1984), Күршім аудандық, ауылдық кеңестерге депутат болған.

Шықылаев Қайса Кәрменұлы
Туған күні
Қайтыс болған күні	13 қыркүйек 2012 (2012-09-13)
Қайтыс болған жері	Қазақстан, Шығыс Қазақстан облысы, Өскемен қаласы
Қызметі	"Зайсан" балық зауытының "Аманат" бөлімшесі, балықшы, еңбек ардагері
Әкесі	Саяжанов Кәрмен
Анасы	Күлзада Бұғышева
Жұбайы	Зеріпхан Қабиқызы
Балалары	10 бала
Марапаттары мен сыйлықтары	1947 жыл - «1941-1945 Ұлы Отан Соғысы жылдарындағы ерен еңбегі үшін» медалі 1971 жыл - Еңбек Қызыл Ту ордені 1970 жыл - Ленин медалі Медальдар Грамоталар

Өмірбаяны мен еңбек жолдары

Шығыс Қазақстан облысы, Күршім ауданы, Мөнекей ауылында 1929 жылы 10 қарашада дүниеге келген. Әкесі - Саяжанов Кәрмен, шешесі - Күлзада Қамажанқызы Бұғышева. Әкесінен ерте жетім қалған ол жеті-сегіз жасында еңбекке араласты.

• 1937- 1939 жылдары 7-8 жасында Мөнекей колхозында малшы болып қой, сиыр бақты.
• 1941 жылы - Ұлы Отан соғысы басталғанда 12 жасында жылқы бағу тапсырылды.
• 1945 жылы - 16 жасында балық шаруашылығына ауысып, "Зайсан" балық зауытының "Аманат" бөлімшесінде балықшы болып 37 жыл еңбек етті.
• 1983- 1984 жылдары - Шығыс Қазақстан облысы, Глубокое ауданы, Ушанов совхозында малшы болды.
• 1985 жылы Өскемен қаласындағы аспаптар зауытында зейнеткерлік жасына дейін жұмыс атқарды.

Наградалары

• 1947 жыл - «1941-1945 Ұлы Отан Соғысы жылдарындағы ерен еңбегі үшін» медалі
• 1971 жыл - Еңбек Қызыл Ту ордені
• 1970 жыл - Ленин медалі
• Медальдар
• Грамоталар

Жанұясы мен ұрпағы

Жұбайы З.Қабиқызы

1953 жылы жұбайы Зеріпхан Қабиқызымен (1932-1982) (Зайсан ауданы, Ақарал ауылдық округіне қарасты Ақарал ауылында туған) отбасын құрып, бірге өмір сүрген жылдары 10 бала тәрбиелеп өсірді. Олардан 19 немере көріп, екі шөбере сүйді. Зеріпхан Қабиқызы көп бала тәрбиесіндегі қажырлы еңбегі үшін І, ІІ, ІІІ дәрежелі "Материнская слава" орденімен, "Медаль материнства" медалімен және "Мать - героиня" құрметті белгісімен (27 наурыз 1975ж.) марапатталған.