Қандыағаш орманды алқабы
Қандыағаш орманды алқабы, Ақмола облысы Ерейментау таулы алқабындағы ботаникалық қорықша. 1974 жылы құрылған. Ауданы 0,86 мың га. Қандыағашты орман немесе қандыағаштар осы Ерейментау тауларының көрікті аймағы саналады. Реликт ағаш саналатын қандыағаштың жеңіл сүрегі ағаш өңдеу өнеркәсібінде құнды саналады, жаңғақты жемісі медицинада пайдаланылады. Қандыағаштан басқа Қандыағаш орманды алқабында 300-ден астам өсімдік түрлері өседі: оның 26-сы – ағаштар мен бұталар. Сирек өсімдіктерге қазақ аршасы, қос масақшалы қылша, жартасты қарақат, қырыққұлақ, сүйсін, қарғакөз жатады. Сонымен бірге сәлбен, шерменгүл, таспашөп, тентекмия, жебір, киікоты (көкемарал) кең тараған. Жануарлардан арқар, қасқыр, түлкі, суыр, қоян; құстардан құр, тырна, аққу, саңырау құр, т.б. мекендейді.[1]
Сілтемелер
өңдеуДереккөздер
өңдеу- ↑ Қазақстан Республикасының табиғаты 3 том, 2 бөлім
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |