Қоныс мұнай-газ конденсат кен орны

Қоныс мұнай-газ конденсат кен орны — Қызылорда облысы Сырдария ауданында, Тереңөзек кентінен солтүстікке қарай 140 километр, Қызылорда қаласынан солтүстік-батысқа қарай 150 километр жерде. 1986–1988 жылдары сейсмиккалық барлау әдісімен табылып, 1990 жылы ашылған.

Қоныс мұнай-газ конденсат кен орны
46°01′27″ с. е. 65°21′02″ ш. б.46.02417° с. е. 65.35056° ш. б. / 46.02417; 65.35056
Ел	Қазақстан
Аймақ	Қызылорда облысы
Ашылған уақыты	1990 жыл
Қоныс мұнай-газ конденсат кен орны
Қоныс мұнай-газ конденсат кен орны

Геологиялық құрылымы

Құрылымдық жағынан екі күмбезді (оңтүстік және солтүстік) субмеридианды брахиантиклиналь, ал литология жағынан кен орны құмтастар мен алевролитті болып келеді.

Жатыс сипаты

Мұнай қабатының жалпы биіктігі 30 м, газ қабатының биіктігі 45 м Тиімді және мұнай қаныққан қабаттық қалыңдығы 32,2 м, газ қаныққан қабаттың қалыңдығы 25 м. Мұнай қаныққан коэффициенті 0,68, газ қаныққан коэффициенті 0,65. Қанығу қысымы 9,58 МПа. Коллекторы терригенді, кеуекті, ашық кеуекті 19,6%, өткізгіштігі 0,015 микрометр.

Құрамы

Мұнайы жеңіл, тығыздығы 0,83 г/см³, күкірті аз 0,16 – 0,19%, парафині 12 – 15%, шайыры 9,3 – 10,72%. Бастапқы қабаттық қысым 11,2 – 11,35 МПа, температурасы 56^°. 7 милиметр штуцердегі тәуліктік өнімділігі 70,1 – 72,7 м³.