Құрлықаралық баллистикалық ракета

Құрлықаралық баллистикалық ракета (орыс. межконтинентальная баллистическая ракета) — 5-7 мың км және одан да ұзақ қашықтықтарға ұша алатын баллистикалық ракета.

ҚБР А-9/А-10

Жіберілген кезден бастап жерге түскенге дейінгі құрлықаралық баллистикалық ракетаның ұшу уақыты ұшу қашықтығына тікелей байланысты болады: 1000 км-ді — 9 минутта, 2000 км-ді — 12 минутта, 5000 км-ді — 21 минутта және 10000 км-ді — 33 минутта ұшу белгіленген. Жер үстімен 1000 — 10000 км қашықтықта ұшатын құрлықаралық баллистикалық ракетаның ұшу траекториясының биіктігі шамамен қашықтықтың 15-25%-ын құрайды. Америкалық, үш басқышты "Минитмен" құрлықаралық баллистикалық ракетасының старттық салмағы 27-32 т., ұрыс зарядының күші 2 мгт тротил, кемерінің ұзындығы — 18,3 м, диаметрі — 1,8 м, ең үлкен ұшу жылдамдығы 280000 км/сағат (7,7 км/ сек.), ең биік траекториясы — 1110 км, атыс қашықтығы — 10000 км-ге дейін, барлық басқыштардың қозғалтқыштары әрқайсысы 60 секундта қатты отынмен жұмыс жасайды, ұрысқа әзір болу уақыты — 1,5 мин.