Құрманбек Сәлиұлы Бәкиев

Құрманбек Сәлиұлы Бәкиев (қыр. Бакиев Курманбек Сали уулу; 1 тамыз 1949 жыл, Жалалабат облысы) — қырғызстандық саясаткер, Қызғалдақ төңкерісі нәтижесінде билікке келген Қырғызстанның екінші президенті (2005–2010). 2010 жылғы сәуірдегі оппозицияның ірі наразылықтары үкімет мекемелерін басып алды да, Бәкиев елден кетуге мәжбүр болды.

Құрманбек Сәлиұлы Бәкиев қыр. Курманбек Сали уулу Бакиев
Бәкиев, 2009 жыл
Лауазымы
Ту Қырғыз Республикасының 2-Президенті Ту
(11 сәуір 2005 жылдан бастап м.а.) 10 шілде 2005 — 7 сәуір 2010
Ізашары	Асқар Ақаев
Ізбасары	Роза Отынбаева (м.а.) Алмазбек Атамбаев
Ту ТМД мемлекет басшыларының кеңесінің төрағасы Ту
5 қазан 2007 — 31 желтоқсан 2008
Ізашары	Нұрсұлтан Назарбаев
Ізбасары	Владимир Воронин
Ту Қырғыз Республикасының 7- және 9-премьер-министрі Ту
28 наурыз — 15 тамыз 2005
Президент	Асқар Ақаев өзі (м.а.)
Ізашары	Николай Танаев
Ізбасары	Феликс Құлов
21 желтоқсан 2000 — 22 мамыр 2002
Президент	Асқар Ақаев
Ізашары	Амангелді Мұралиев
Ізбасары	Николай Танаев
Ту Шу облысының 4-әкімі Ту
сәуір 1997 — 2000
Президент	Асқар Ақаев
Ізашары	Феликс Құлов
Ізбасары	Тойшыбек Қасымов
Ту Жалалабат облысының 3-әкімі Ту
1995 — 1997
Президент	Асқар Ақаев
Өмірбаяны
Партиясы	Ақ жол
Мамандығы	Инженер-электрик
Діні	Ислам, суннит бағыты
Дүниеге келуі	1 тамыз 1949 (1949-08-01) (75 жас) Масадан, Жалалабат облысы, Қырғыз КСР, КСРО
Марапаттары
Құрманбек Сәлиұлы Бәкиев Ортаққорда

Өмірбаяны

1949 жылғы 1 тамызда қазіргі Жалалабат облысы, Масадан ауылында дүниеге келген.

Куйбышев (қазіргі Самара) қаласындағы политехникалық институтын бітірген, мамандығы бойынша инженер-электроник.

1976—1979 жылдары Куйбышевтағы (Самарадағы) Масленников атындағы зауытында мамандығы бойынша жұмыс істеді.

1979—1985 жылдары Жалалабат зауыттарының бірінде бас инженері болып істейді.

1985—1990 жылдары Көк-Жаңғақ қаласындағы «Профиль» зауытының бастығы.

1992—1994 жылдары Тоғыз-Тара аудан әкімшілігінің басшысы.

1994—1997 жылдары Жалалабат облысының әкімшілігінің басшысы.

1997—2000 жылдары Шу облысының губернаторы.

2000 жылғы 21 желтоқсаннан 2002 жылғы 22 мамырға дейін Қырғызстан премьер-министрі. Ақсы ауылындағы оқиғаларынан кейін орнынан өз еркімен бас тартып, халық мүддесін қорғап, Ақаевқа қарсы оппозицияға кетті. Оппозиция көшбасшысы болып, Қызғалдақ төңкерісінен кейін ел басшысы болды.

2005 жылдан бастап ол — Қырғызстан президентінің міндеттерін атқарды.

2005 жылы Қырғызстан Ақаевтың саясатына наразылық білдіріп, 24 наурызда Қызғалдақ төңкерісін жасаған. Осындай қиын саяси жағдайында, билікке Бәкиев келген. Біржолы ел басшысы және үкімет басшысы (премьер-министр) міндеттерін атқарып, кезектен тыс президенттік сайлауда өз кандидатурасын тапсырған. 10 шілдеде өткен сол сайлауда ол ресми деректер бойынша сайлаушылардың 88% алып, жеңіске жетті.

2005 жылғы 15 тамызда Бәкиевтің президент инаугурациясы өтті. 2009 жылы ол екінші мерзімге сайланған.

2010 жылғы 7 сәуірде пайда болған қанды оқиғалардан кейін елдік төңкерісінің барысында Қырғызстанның тұңғыш президенті Асқар Ақаев сияқты орнынан кетуге мәжбүр болды. Бішкектен қашып кеткен Бәкиев туған Жалалабат облысының Тейіт ауылына келіп, билігін сақтау үшін Қырғызстанның оңтүстігінде елдің қолдауын іздеді. 15 cәуірде Бәкиевті қолдайтын күштер Ош қаласында митинг ұйымдастырды. Алайда, жақтаушы мен қарсылас топтардың қақтығысынан кейін, митинг тарап кетті, ал мақсатына жете алмаған Бәкиев Қырғыз елінен кетуге мәжбүр болды. Тараз қаласында биліктен бас тартатын қағазға қол қойып, ары қарай Беларусьтің астанасы Минск қаласына ұшып кетіп, сол жақта пана тапты.

Сыртқы сілтемелер

• Кұрманбек Бакиевтың ресми сайты Мұрағатталған 14 мамырдың 2010 жылы.
• Лентапедиядағы Кұрманбек Бәкиев