Құттықожа Ыдырысов

Құттықожа Ыдырысов (1 маусым 1951, Жаңақорған ауданы, Қызылорда облысы, Қазақ КСР) — қазақстандық саясаткер, Қазақстан Республикасы Парламенті Мәжілісінің IV және V сайланым депутаты (2010-2016).

Құттықожа Ыдырысов
Лауазымы
Ту Қазақстан Республикасы Парламенті Мәжілісінің IV және V сайланым депутаты
14 сәуір 2010 жылы — 7 желтоқсан 2011 жылы
18 қаңтар 2012 жылы — 20 наурыз 2016 жылы
Өмірбаяны
Партиясы	«Нұр Отан» партиясы
Білімі	Алматы халық шаруашылығы институты
Мамандығы	Экономист
Дүниеге келуі	1 маусым 1951 (1951-06-01) (73 жас) Жаңақорған ауданы, Қызылорда облысы, Қазақ КСР
Балалары	1 ұл менен 2 қыз
Әскери қызметі
Қызмет еткен жылдары	1974—1975
Құрамында болды	КСРО
Атағы	Запастағы кіші сержант
Марапаттары	Құрмет ордені

Өмірбаяны

Алматы халық шаруашылығы институтын бітірген (1974), экономист.

1969 жылдан - Төгіскен кеңшарында жұмысшы (Қызылорда облысы Жаңақорған ауданы). 1970 жылдан - Алматы халық шаруашылығы институтының студенті. 1974 жылдан - Қызылорда облыстық ІІБ ЕТМ ЗЭК-169/2 аға нормалаушы Кеңес Әскерінің қатарында қызметте. 1976 жылдан «Тегіскен» кеңшарында бухгалтер, 1977 жылдан - экономист. 1984 жылдан - Қызылорда облыстық ауыл шаруашылығы басқармасында тексеруші-бухгалтер. 1985 жылдан - Қызылорда облыстық ауыл шаруашылығы басқармасында ұжымшарды ұйымдастыру бөлімінің бастығы. 1990 жылдан - Қызылорда облыстық қаржы бөлімінде агроөнеркәсіп кешенін қаржыландыру бөлімінің бастығы. 1992 жылдан - Қызылорда облыстық қаржы басқармасында агроөнеркәсіп кешенін қаржыландыру бөлімі бастығының орынбасары, бастығы, 1993 жылдан - басқарма бастығының бірінші орынбасары. 1994 жылдан - Қызылорда облыстық қазынашылық басқармасының бастығы. 2004 жылдан - Қызылорда облысы әкімінің орынбасары. 2008 жылдан - Қызылорда облыстық қазынашылық қаржы басқармасының бастығы.

2010 жылдан бері - ҚР Парламенті Мәжілісі 4-ші шақырылымының депутаты, Қаржы және бюджет комитетінің мүшесі. «Қазақстан Республикасының тәуелсіздігіне 10 жыл», «Қазақстан Парламентіне 10 жыл», «Ерен еңбегі үшін» (2006) медальдарымен; «Қазақстан полициясына 15 жыл» белгісімен марапатталған. «Облыстың қайырымды адамы» номинациясындағы «Бірінші ұлттық ауылшаруашылығы санағы» (2007).

Діни көзқарасы - аздап сенеді.

Қазақстанның болашағы туралы болжамы - «Біздің еліміздің болашағы - біздің балаларымыз, сондықтан біздің міндетіміз - оларға жақсы білім, жақсы тәрбие беру әрі ерте бастан патриоттық рух сіңіру, еліміз сонда ғана өркендейді!»

Саяси қайраткер ретіндегі идеалы - Абылайхан, Н.Ә. Назарбаев.

Хоббиі - спорт, балық аулау, саяхат жасау.

Сүйіп оқитын әдебиеті - көркем әдебиет, қазақ поэзиясы.

Үйленген. Жұбайы - Мустафаева Рабат (1952 жылы туған). Қыздары - Гүлнара (1979 жылы туған), Динара (1987 жылы туған); ұлы - Бағлан (1983 жылы туған).