Үшкір құртшөп

Үшкір құртшөп
Ғылыми топтастыруы
Дүниесі:	Өсімдіктер;
Бөлімі:	Гүлді өсімдіктер;
Табы:	Қос жарнақтылар;
(unranked)	Asterids;
Сабы:	Asterales;
Тұқымдасы:	Campanulaceae;
Кіші тұқымдасы:	Campanuloideae;
Тегі:	Asyneuma;
Түрі:	A. argutum;
Екі-есімді атауы
	Asyneuma argutum; (Эдуард Людвигович Регель) Bornm., 1921

Үшкір құртшөп^[1] (лат. Asyneuma argutum) – қоңыраугүлдер тұқымдасының құртшөп туысына жататын көп жылдық өсімдік.

Ботаникалық сипаты

Биіктігі 50-70 см.
Сабағын қысқа және ұзын тікенекті түк басқан, жоғарғы бөлігі жалаң.
Жапырақтары қалың, ұшына қарай кішірейеді, ұзынша жұмыртқа немесе таспа-қандауыр тәрізді, жиегі өткір тісті. Төменгі жапырақтары сағақты, жоғарғылары сағақсыз.
Гүлшоғыры қарапайым, көкшіл ұсақ гүлдері көп гүлді шоғырға топтасқан. Тостағаншасының біз тәрізді тісшелері бар, күлтесінің ұзындығы 5-7 мм. Қауашағы қырлы, ортасында саңылаулары болады. Маусым-тамыз айларында гүлдейді.

Үшкір құртшөптің отаны Солтүстік Африка және Еуразия, сонымен қатар Түркия жерлерінде де таралған. Қазақстанда Қаратау жотасында, Батыс Тянь-Шань жотасында кездеседі. Ұсақ тасты жерлерде және таудың тасты беткейлерінде орта тұсына қарай өседі.

↑ Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5