Әділхан Қасымбекұлы Шоқанов

Әділхан Қасымбекұлы Шоқанов - 1949 жылы 15 қыркүйекте Талдықорған облысы Сарқанд ауданының Сарытөбе ауылында туған. Қазақ.

Әділхан Қасымбекұлы Шоқанов

Әкесі - Шоқанов Қасымбек, марқұм, ҰОС ардагері болған. Анасы - Арғымбаева Сәрби, марқұм, Қазақ тұтыну кооперациясының қызметкері, КОКП мүшесі, еңбек ардагері болған.

Қарағанды мемлекеттік университетінің физика-математика факультетін бітірген (1971), физик.

Физика-математика ғылымдарының кандидаты (1985). Кандидаттық диссертациясының тақырыбы: «Ядролық гамма-резонанстық спектроскопия молибдені мен ниобиясындағы нүктелік ақаулардың өзара ықпал етуін зерттеу».

Қ.И. Сәтбаев атындағы ҚазҰТУ (1995 жылдан); Абай атындағы ҚазҰПУ (2009 жылдан) профессоры. ҚР Жаратылыстану ғылымдары академиясының академигі (1997 жылдан). Жоғары оқу орындарына арналған «Физика, механика» 1-ші бөлім (1998), «Физика курсы» (1998, 2003), «Шешуі керсетілген физика курсы есептерінің жинағы» (2008) оқулықтары мен оқу құралдарының авторы; 80-нен астам мақаланы, оның ішінде АҚШ, Франция, Германия, Чехословакия, Үндістан, Бельгия, Ресей және т.б. елдерде жариялаған.

Қазақ, орыс және ағылшын (сөздікпен) тілдерін біледі.

1970 жылдан - Қарағанды мемлекеттік медициналық институтының физика кафедрасында оқытушы. 1971-1972 жылдары - Кеңес Әскерінің қатарында қызметте. 1975 жылдан - ҚазКСР ҒА Ядролық физика институтының инженері, кіші ғылыми қызметкері. 1986 жылдан - I. Жансүгіров атындағы Талдықорған мемлекеттік педагогикалық институтының аға оқытушысы, доценті. 1989 жылдан Алматы энергетикалық университетінің доценті, деканның орынбасары, деканы. 1996 жылдан - Қ. И. Сәтбаев атындағы Қазақ ұлттық техникалық университеті Жоғары оқу орнына дейінгі білім беру орталығының деканы, директоры, Сапа менеджменті орталығының директоры, университет профессоры.

2008 жылдан бері - Абай атындағы Қазақ ұлттық педагогикалық университеті ғылым басқармасының бастығы. ҚазКСР ГА ЯФИ комсомол комитетінің хатшысы; Қ.И. Сәтбаев атындағы ҚазҰТУ (2001-2009) Абай атындағы ҚазҰПУ (2009 жылдан) қабылдау комиссиясының жауапты хатшысы; Қ. И. Сәтбаев атындағы ҚазҰТУ (1996-2008) жәно Абай атындағы ҚазҰПУ (2008 жылдан бері) ғылыми кеңесінің ректоратының мүшесі.

Ахмет Байтұрсынұлы атындағы, Ы. Алтынсарин атындағы (1999) Қ.И. Сәтбаев атындағы ҚазҰТУ «Айрықша еңбегі үшін» медальдарымен марапатталған. ҚР Білім беру саласының Құрметті қызметкері (1994).

Әскери атағы - запастағы аға лейтенант.

Қазақстанның болашағы туралы болжамы - «Әлемнің дамыған 50 елінің қатарына қосылу, экономикалық даму мен гүлдену».

Хоббиі - шахмат ойыны, кітаптар, тауға жорыққа шығу.

Сүйіп оқитын әдебиеті - орта ғасырлар тарихы.