Әзірбай Жүрсінбайұлы Ораз

Әзірбай Жүрсінбайұлы Ораз (1960 ж. т., Маңғыстау ауданы Қызан ауылы) – дәрігер-ғалым, медицина ғылымының кандидаты (1991). Ақтөбе медицина институтын (Батыс Қазақстан медицина академиясы) бітірген (1984), 1988 – 90 ж. [[|Мәскеу|Мәскеуде]] Бүкілодақтық хирургия ғылыми ортадығындағы клиникалық ординатурада оқыған. 1985 – 88 ж. Шетпедегі орталық ауруханада дәрігер, 1990 – 92 ж. Ақтау қалалық орталық (кейін Маңғыстау облыстық) ауруханасында микрохирург, 1992 – 2003 ж. бас дәрігердің орынбасары, 2003 – 06 ж. бас дәрігер болды. 2006 жылдан бастап Маңғыстау облыстық денсаулық сақтау департаментінде бөлім бастығы. Әзірбай 30-дан аса ғылыми еңбектің авторы. Әзірбайдың ғылыми еңбектері микрохирургиялық андрология тақырыбына арналған. Еңбектері Ресей, Латвия, Польша, Түркияда өткен съездер, симпозиумдар мен ғылыми-тәжірибелік конференцияларда жарияланған. 2003 ж. Денсаулық сақтау саласы бойынша ҚР вице-премьерінің алғыс хатымен марапатталды.

==Дереккөздер==