Әкім Ұртайұлы Әшімов

Әкім Ұртайұлы Әшімов (Әкім Тарази, 1933 жылы 9 қыркүйекте Алматыда туған) — жазушы, драматург, сценарист. Қазақстанның еңбек сіңірген қайраткері (1999). Қазақстан Республикасының Мемлекеттік сыйлығының лауреаты (2007). Қазақ ұлттық өнер университетінің профессоры.

Әкім Тарази
Әкім Үртайұлы Әшімов
Туған күні	9 қыркүйек 1933 (1933-09-09) (91 жас)
Туған жері	Алматы
Азаматтығы	КСРО  Қазақстан
Ұлты	қазақ
Мансабы	жазушы, драматург, сценарист педагог - профессор
Шығармалардың тілі	қазақ тілі
Дебюті	"Құйрықты жұлдыз" повесі (1966)
Марапаттары	Құрмет ордені Қазақстанның еңбек сіңірген қайраткері
Сыйлықтары

Толығырақ

Дулат тайпасының Жаныс руынан.

• Әкім Ұртайұлы 1933 жылы 9 қыркүйекте Алматыда дүниеге келген.
• Орта мектепті 1950 жылы Жамбыл обылысы, Луговой (Рысқұлов), Жаңа тұрмыс ауылында бітірген.
• 1957 жылы Абай атындағы Қазақ ұлттық педагогикалық университетін бітірген.
• 1968 жылдан Қазақстан жазушылар одағының мүшесі.
• 1956 жылдан еңбек жолын бастаған. Жамбыл облысының Шу ауданы мұғалім (1956-58), "Ара" журналында фельетонист (1958-59), "Қазақстан пионері" газетінде жауапты хатшы (1962- 70), "Қазақфильм" киностуциясында сценарийлік редакциялық алқа мүшесі, бас редактор, 1970-71 "Литературная газетаның" Қазақстан бойынша тілшісі, 1971-80 жылдары Қазақстан Кинематографиялық одағы басқармасының 1-хатшысы болды. 1986- 91 жылдары Қазақстан Жазушылар одағының хатшысы, 1991-93 жылдары Қазақстан Ресупбликасы Мәдениет министрлігінің кеңесшісі, 1993-95 жылдары "Қаржы-қаражат" журналының бас редакторы қызметтерін атқарды. 1995 жылдан Т.Жүргенов атындағы өнер академиясының доценті.
• 2009 жылдан Қазақ ұлттық өнер университетінің профессоры.

Шығармалары

• Әшімовтің алғашқы кітабы "Құйрықты жұлдыз" повесі 1966 жылы шықты.
• "Үлкен ауыл" (1968),
• "Асу-асу" (1970),
• "Көкжиек" (1980),
• "Басынан Қаратаудың" (1984) повесть-әңгімелер,
• "Қыз махаббаты" (1982) пьесалар жинақтары,
• "Бұлтқа салған ұясын" (1978),
• "Тасжарған" (1980),
• "Кен" (1986),
• "Жаза" (1998),
• "Шер" (2000),
• "Махаббат жыры" (2001),
• "Қиянат" (2002) романдары жарияланды.

Сондай-ақ ол

• "Күлмейтін комедия" (1966),
• "Жақсы кісі" (1968),
• "Жолы болғыш жігіт" (1972),
• "Қос боздақ" (1985), т.б. пьесалардың,
• "Тұлпардың ізі" (1964, реж. М.Бегалин),
• "Арман-атаман" (1965, реж. Ш.Бейсенбаев),
• "Қараш-Қараш оқиғасы" (1972, реж. Б.Шөмшиев), т.б. кино­фильм сценарийлерінің авторы.
• Фолиант баспасында 8 томдығы толық шыққан:
• 1. Тасжарған
• 2. Қиянат. Жаза.
• 3. Тырна, тырна, тырналар. Ақбердінің ауласы.Москва: баласаз. Сарманқұл. 2999999+1. Әнім сен едің.
• 4. Құйрықты жұлдыз. Қодарқұл. Жадыра. Аспанбай мен Райгүл. Аяз бен Биби.
• 5. Қорқау жұлдыз. Шер.
• 6. Мұстафа Шоқай.
• 7. Тәж. Эсселер.
• 8. Аспан айналып жерге түскен күн.
• Бірқатар кітаптары орыс, венгр, чех, неміс тілдерінде жарық көр­ген. 2002 жылы "Жаза" романы үшін Қазақстан Республикасы Мемлекеттік сыйлығы берілді.

Марапаттары

• Қазақстан жазушылар одағы сыйлығының иегері
• 1994 - Құрмет ордені
• 1999 - Қазақстанның еңбек сіңірген қайраткері
• 2007 - Қазақстан Республикасының Мемлекеттік сыйлығының иегері
• 2015 - Отан ордені
• профессор