Антигуандар
Антигуандар — Антигуа және Барбуда халқы. Саны шамамен 86 мың адам (2009).
| Антигуандар | |
 | |
| Бүкіл халықтың саны | |
|---|---|
|
86 000 | |
| Ең көп таралған аймақтар | |
| Тілдері | |
| Діні | |
Тілі
өңдеуОлар антигуандық креол тілінде сөйлейді (ағылшын тіліне негізделген).[1]
Діні
өңдеу2001 жылғы халық санағының нәтижелері бойынша ең көп таралған топ англиканизмді ұстанушылар болып табылады (елдің жалпы халқының шамамен 25%). Антигуа мен Барбуда халқының діни құрамы Христиандықтың әртүрлі бағыттарымен ерекшеленеді. Басқа діндерді халықтың 2%-ы ұстанады. Атеистер жалпы халықтың шамамен 6% құрайды.[2]
Тарихы
өңдеуАнтигуандықтардың басым көпшілігі 17 ғасырдың екінші жартысы мен 19 ғасырдың басында Африкадан әкелінген (негізінен Батыс Африкадан) құлдардың ұрпақтары (креолдар). Мулаттардың саны шамалы, ақ түстілер (көбінесе ағылшын текті) шамамен 3%.[3]
Кәсібі
өңдеуНегізгі кәсібі: егіншілік. Ауыл шаруашылығында келесі дақылдар өсіріледі: банан, бұршақ, орамжапырақ, қырыққабат, сәбіз, шалқан, маниок, чили бұрышы, мақта (мақта тұқымы және мақта майы), қияр, баклажан, пияз, асқабақ, қызанақ және жүгері.[4]
Антигуандықтар өздерінің қолөнерімен танымал. Халық керамикасының шығармашылығы 18 ғасырда, құлдар жергілікті саз балшықтан ас ыдыстарын жасаған кезден басталады. Бүгінгі күні әдемі керамикалық бұйымдарды Антигуа мен Барбуданың әртүрлі жерлерінен табуға болады.[5]
Тұрмыс салты
өңдеуМәдениеті Кариб теңізінің басқа креол халықтарының мәдениетіне жақын. Американдық поп-мәдениет пен сәннің де әсері басым. Елдегі бұқаралық ақпарат құралдарының көпшілігі американдық ірі желілердің бөлігі болып табылады. Антигуандар американдық сән үрдістерін мұқият қадағалап отырады. Музыканың танымал стильдері - калипсо және сока.
Жүгері мен тәтті картоп антигуандық асханада маңызды рөл атқарады. Танымал антигуандық тағам дукунаг - үгітілген тәтті картоптан, ұннан және дәмдеуіштерден жасалған буға пісірілген тұшпара.[6]
Дереккөздер
өңдеу- ↑ Народы и культуры Антигуанцы https://travel-journal.ru/ethno/27/198/(қолжетпейтін сілтеме)
- ↑ Народы южной Америки. Антигуанцы https://nations.su/south-amerika/antiguancy.html
- ↑ Энциклопедия народов мира. Антигуанцы
- ↑ народы мира / Антигуанцы http://www.etnolog.ru/people.php?id=ANTG
- ↑ Культура Антигуа и Барбуды https://www.best-country.com/ru/north_america/antigua_barbuda/traditions
- ↑ Антигуа и Барбуда — история и современность https://naukarus.com/antigua-i-barbuda-istoriya-i-sovremennost(қолжетпейтін сілтеме)