Ахмедбек Масақбайұлы Ахметжанов

Ахметжанов Ахмедбек Масақбайұлы 1966 жылы 8 желтоқсанда Торғай облысы Арқалық ауданының Сарыөзен ауылында туған. Қазақ.

Ахметжанов Ахмедбек Масақбайұлы
Дүниеге келгені:	08.12.1966 Торғай облысы Арқалық ауданы Сарыөзен ауылы
Мансабы:	Қостанай облысы Таранов ауданының әкімі

Әкесі - Ахметжанов Масақбай Кәмиялұлы, зейнеткер, Қостанай облысы Семиозер ауданы Чернышевский кеңшарының жұмысшы кооперативі төрағасының орынбасары қызметін атқарған. Анасы - Ахметжанова Роза Уағызқызы, зейнеткер, Қостанай облысы Семиозер ауданы Чернышевский кеңшарының жұмысшы кооперативінің бас бухгалтері болып жұмыс істеген.

Қарағанды кооперативтік институтының экономика және бухгалтерлік есеп факультетін (1991) экономист мамандығы бойынша; Қостанай мемлекеттік университетінің заң факультетін (2001) заңгер мамандығы бойынша бітірген.

Қазақ және орыс тілдерін біледі.

«Нұр Отан» ХДП мүшесі (2007 жылдан).

1984 жылдан - Чернышевский кеңшарының жұмысшы кооперативінде қызметкер (Қостанай облысы Семиозер ауданының Первомай кенті).1985 жылдан - Кеңес Әскерінің қатарында қызметте. 1987 жылдан - Қарағанды кооперативтік институтының студенті. 1991 жылдан-Сұлукөл кеңшарының жүмысшы кооперативі төрағасының орынбасары (Қостанай облысы Семиозер ауданы Юльевка ауылы). 1992 жылдан - Новонежинка кеңшарының жұмысшы кооперативі басқармасының төрағасы (Қостанай облысы Семиозер ауданы Юльевка ауылы). 1998 жылдан - Қостанай облысы бойынша Салық полициясы комитеті Басқармасының инспекторы. 1999 жылдан - Қостанай облысы Әулиекөл ауданы бойынша Салық комитетінің төрағасы. 2001 жылдан - Қостанай облысы Қостанай ауданы бойынша Салық комитетінің төрағасы.

2007 жылдан бері - Қостанай облысы Таранов ауданының әкімі.

«Құрмет» орденімен (2009), «Қазақстан Республикасының тәуелсіздігіне 10 жыл» медалімен (2001) марапатталған.

Әскери атағы - старшина.

Діни көзқарасы - атеист.

Саяси қайраткер ретіндегі идеалы - Н.Ә. Назарбаев.

Қазақстанның болашағы туралы болжамы - «Өз азаматтарының лайықты тіршілік деңгейін қамтамасыз ететін, дамыған бәсекеге қабілетті мемлекет».

Хоббиі - спорт.

Сүйіп оқитын әдебиеті - мерзімді әдебиет.

Үйленген. Жұбайы - Ахметжанова Бағлан Жарқынқызы (1972 ж. т.), жеке кәсіпкер. Қыздары - Ахметжанова Индира Ахмедбекқызы (1991 ж.т.); Ахметжанова Дилара Ахмедбекқызы (1999 ж.т.).